موظف بلدنا الكسلان

الموظف فى بلدنا حاجة اخر تمام
يصحى من النوم الساعة عشرة بالتمام
يفطر ويسمع النشرة ويبدأ فى القيام
يروح الشغل جتة هامدة وعقل ماليه الزحام
يدخل المكتب واول ما يقعد على الكرسى ينام
وان دخل عليه اى حد من الانام
يقوله بكره مصلحتك هتخلص
اخلص بقى وقصر فى الكلام
هى دى التعليمات وهو دة النظام
وان ما كنش عاجبك روح اشتكى
او خد اوراقك وارحل بسلام
ضميره ميت ما يعرف حلال من حرام
فى الشغل سى السيد وفى البيت خدام المدام
وبعد ساعة يتعب ويقول الواحد فى انتحار
ويجرى على البيت بسرعة فى حالة انهيار
قال يعنى البعيد شغال فى ورشة بيكسر رخام
او بيشيل حديد يكسر له العظام
مدلع ولا وليد فى مرحلة الفطام
اصله من مواليد برج العظام
وان جت سيرة المرتب يبكى ويندب
كان نفسه فى بقرة تحلب دهب بالجرام
دايما تلاقيه بيشكى من قلة الطعام
ومن اصغر حاجة يشجب ويقرر الاعتصام
يا خسارة على الموظف اللى فى ايديه المهام
لو ما كنتش له هتظرف بخفه والهام
مصلحتك اكيد هتلقف وتموت فى درج الهمام
وان ظرفته اكيدهتسلك وتخلص قوام
عيب عليك يا افندى يا بتاع العلام
لو كنت فى الاصل جاهل
ما كنش يبقى عليك ملام