دنيا بلا مجداف

قالوا عنكى فانية
وتبيعى صاحبك فى ثانية
ونهار ما يسقط منك
تصفى له مرة تانية
وان سامح وامن ودك
تهدى فوق دماغة
ما كنتى بانية
صدقوا اللى قالوا عنكى
دنيا فانية
دنيا بلا مجداف
بحر غريق .. لكن خواف
تشوفه بريء .. لكن حداف
تدنى قد ما تدى
ونهار ما تاخد
تاخد اضعاف واضعاف
احنا اتخلقنا ضعاف
وقت الشدة خفاف
الوان واشكال واصناف
اصل اللى خلقنا
كامل الاوصاف
بص تحت رجليك يا جدع
قبل ما تخطى خطوتك
العملية مش ضرب ودع
ولا فتونة ولا ضرب مطوتك
دنيتك طول ما انت جدع
هتعيش فيها بكامل سطوتك