إحنا الشعب

قبل ما أكون دكتور بني آدم.......وبنتمني لمصر الخير
إحنا الشعب نعيش في مشاكله....مش أغراب وسط الجماهير
ده أحنا شباب والحال أهو باين......أسكت خللي السر ف بير
ده أنا ولا عندي عياده وعزبه.....ولا شقه في ميدان تحرير
ده أنا مش لاقي أتجوز يا با .....والأيام بالعافيه تسير
أي مريض بيكون من أهلي.....إن كان غني..أو حتي فقير
أما ضميري..المولي شايفني ...هو رحيم ..وغفور وكبير
عايش طول العمر أتعلم.......عشره جنيه ف الكشف كتير
إحنا بنرحم ..مين يرحمنا......ولا كلام زي المسامير
فكر إتعب زود دخلك.........وآدي نواه..تسندلي الزير
د.هانى بخارى
استشارى جراحة عامة
شاعر أطباء الإسكندرية