أشمعني حسني اللي بيتحاكم

أشمعني حسني اللي بيتحاكم
أحنا كمان لازم نتحاكم
أزاي رضينا بحاكم ظالم
وكمان فاضحينه جوا محاكم
بعد مامات جايين بنحاكمه
من زمان ظلم وماحدش حاسبه
لما سألنا فرعون علي ظلمه
شخط فينا وقال لأ حاسبه
أنت رضيتوا بالف أهانه
وأنا اللي حكمت بكل مهانه
ظلمي نتيجه مش أنا اللي عاملها
انتوا اللي سكتوا بكل نداله
سيبتوني أضن ف رزقكوا ليه
والكل ساعدني وقالي يابيه
مالقيتش فيكم واحد راجل
يقولي عندك يا أبن الأيه
وكلاب بتهوهو علي بابي
وكانوا عاملين أيه أحبابي
كلهم هبشوا ف عز الضهر
وسابوني غرقان ف عذابي
هو شويه عليا أما أعمل ميت
وكل الناس عماله تشيت
وكل بيكشف ف مصايبي
هو أنا كنت لوحدي اللي باكيت
البلد كلها عملتها كباريه
ونص الشعب بيسكر ليه
صحيح الباقي بيموت م الجوع
بس ولادي بياكلوا باتيه
أنا وأنتأأأأوا كان الحق علينا
ولا واحد منكوا سأل فينا
فضلنا نقطع ف لحومكم
وأنتوا اللي بتسأفوا لينا
كل واحد منكوا يجيبله سرير
ويصحي جنبي وينزل تفكير
مش واحد بس يمسك بالدفه
وباقي الشعب يكونوا طراطير
وأيديكوا ف أيدين بعضيكم
وأنا ح أدعي ربي يقويكم
وتعدي أزمتكم علي خير
ولا بعدي حد يتحكم فيكم
مع تحيات صعلوك سرقه الملوك الشاعر / نبيل عبدالعزيز
nabelka_2010@yahoo.com