مصر بتصرخ ما هو الخوف في قلوبنا اتزرع

مصر بتصرخ ..ما هو الخوف في قلوبنا اتزرع
أوصفك ..
هي في كلمة تقدر توصفك
أنت أرض
أنت سماء
لأ
أنتي أكثر من كده
مصر عروسة يافعة
ساحرها زلزل قلوب
شعرها سنابل ذهب
قمحية بلون قمحها
عيونها تخطف
يفيض فيضانها بخير
شفتاها حمرة بدم شبابها
............
مصر ...
لبسه فستانها الأبيض
عروسه اليوم عرسها
بالورود متعطرة
بالطين متكحلة
............
عروستي بتصرخ
تصرخ بأعلى صوت
صوت يدوي
صوت يقول يا شباب
فكوا قيودي
.........
نفسي أري ضي شمسي
إلي كان قحل عيني
نفسي أحلي عيني برؤيتك
من غير قضبان
............
عروستي بتصرخ
أولادي موتوا
هو الموت يكون مصير
إلي يطلق سراحي
هكون مسجونة بكيفي
مستحيل أرضي
يكون هذا مصيرهم
هبقي أسيره
ما أنا أتعودت علي سجني
وسجني من غير
ما ينفع
هكون سجينة
وأولادي يعيشوا
........
أحمي أولادي
ولا أصرخ وأهدم سجني
لكن أولادي هيموتوا
آآآآآآآآه وألف آه
آه عليكم يا أولادي
..........
بيقولوا وهم بيضحكوا
فداءك روحنا
فداءك دمنا
فداءك كل عزيز وغالي
................
كنا زمان فكرنك حرة
لكن عرفنا
أنك أسيرة من سنين
سنين في الذل عيشه
بتشربي طين
وبتآكل سرطان
وبتنفسي رصاص
ومن خير بيسرق
ياااااااااه
ياااااه يا مصر
كله ده وسكته
........
هو سكوتك
ضعف .. ذل
خوف من جبار
ولا أنتي كنتي بتصرخ ِ
وإحنا خايف نسمع
ما هو الخوف في قلوبنا اتزرع
ذي حاجات كثير
يشربوها أولادك
ليكونوا غائبين
لهم سامعين ولا شايفين
...........
مصر حبيبتي
من اليوم هنسمع صراخ
أنتي عمرك ما كنتي ضعيفة
دا العالم كله يخافك
أنت قوية بأولادك
أولادك هيرفعوا رأسك
ذي ما رفعوها
في 73
و25 يناير
نصر وراية عالية
.........
أنت نيل
بيروي أولادك
أنت أرض
بالخير أيدك ممدودة
وإحنا بنرد الجميل
سيبنهم يقتلوكي
ما هو الخوف في قلوبنا ازرع
...........
عمرك ما كنتي جبانة
أنت عليا
وهظل عليا
مصر حبيبتي
بخيرها أتزينت
ما هو عرسها قرب
قرب موعد فرحها
وفي الزفة
أولادها هيرفعوها
علي أكتفهم
ما هي عليا
وهظل عليا