من مواطن لعصام شرف: أسمع كلامك أصدقك أشوف أمورك استعجب!

انهالت التعليقات على ما كتبه الدكتور عصام شرف رئيس الوزراء على الفيس بوك.. وكانت التعليقات ما بين شكاوى وإشادات وهجوم على المسئولين .. حيث كتب د. عصام قائلا:
الشعب هو الخط الأحمر الوحيد، أؤكد أنه لا مساس بحق الشعب في انتخابات نزيهه وشفافة في الداخل والخارج، ولا يمكن الموافقة علي أي سقف او قيود تكبل حرية الشعب في وضع دستوره او تعوق عملية تسليم السلطة لقيادة مدنية منتخبة. في كلمتي أمام القمة الأفريقية التي عقدت منذ عدة شهور قلت أن من يظن أنه من الممكن الالتفاف علي صوت الشعب فهو واهم واهم واهم. إن الشرعية الدائمة هي الهدف الذي من اجله كان الصبر والتحمل طوال الفترة الماضية، والان اصبحنا أقرب ما نكون لتحقيقها، بإذن الله لن تكون هناك عودة للوراء والثورة مستمرة.
أما عن التعليقات فكانت كالتالي:
- مش شرط عشان فشلت فى دورك على مدى عدة شهور انك انسان فاشل ممكن تلاقى حظك فى حاجة تانية بس أعرف قدراتك - رحم الله إمرؤ عرف قدر نفسه
- ربنا يحميك ويوفقك يا دكتور ... وأحبك فى الله يا دكتور .. إن شاء الله سيجرى الله الخير على يديك .. وأنت بالفعل بتبذل أكثر مما فى وسعك .. ربنا يريح قلبك ويسعدك
- نفهم من هذا يا دكتور .. أنكم تحترمون خيارات الشعب وتلتزمون بالاستفتاء وخطواته .. اذا فلما كانت المبادىء الدستورية التى تريدون فرضها علينا بدون استفتاء ... ألسنا الخط الأحمر ؟؟!!
- ياريت تطلع وتتكلم معنا كرجل مش تستخبى ورا متحدث وورا ناس تكتب لك على النت ..... انت فين اطلع واتكلم يا عصام يا شرف يا فلول
- أنت جيت - شهقة - يا عصاااااااااااام
- ارجع السرير يا راجل الجو ساقعة وبطانيتك السنتمورا بتناديك
- اسمع كلامك اصدقك واشوف امورك استعجب ....يا عم عصام كل البوادر بتقول ان مافيش ثورة.... شكلنا كده هانتحاكم بتهمه الانقلاب العسكرى
- الوعي العربي يا عم الحاج ارحمنا بتصريحاتك إحنا عايزين رئيس وزارة بجد مش رئيس وزراء فيسبوك
- حاسس إنه نفس الكلام وتكراره ، وكأن لم تكن هي هي صورة الفساد يا شرف . خلاص مش حنصدق حد منكم ، صورة مطابقة من الفساد المتعودين عليه . حرام عليكم اللعب بالناس . شرف اسم جميل زي السابقين الفاسدين : نظيف ، عز ، سرور ، حبيب ، العادلي ، محي الدين ، فخر ، عبد النور ، مبارك ، جمال ، علاء ، سوزان ، عمرو ، موسى ، الغربي ، فاروق ، حسني ، محمود ، صفوت ، الشريف ، زكريا ، عزمي ، رشيد ، لبيب ، عادل ، وغيرهم لا يعد ولا يحصى . شوف كلام شرف : إن الشرعية .... ثم لن تكون هناك عودة للوراء ، والثورة مستمرة . !!!!! هات الجرائد والتسجيلات لكل الفاسدين ، وما كنا نراه في التليفزيون من مجلسي الشعب والشورى على الهواء مطابق تماما وكأنه هو كما قالت بلقيس لسيدنا سليمان على عرشها وهي مش مصدقة كأنه هو . مطابقة في الفساد يا عصام ، وختم اسمك الجميل المتنقي ب شرف . خلاص بصمت ، والشعب بختامك إن شاء الله بالفساد . ربنا ينتقم منكم .
- استاذ عصام من اهداف ثورة 25 القضاء على البطالة لغايت اليوم لا يوجد اى هيئه حكومية فتحة باب التوظيف الكلام مات على كده تفتكر انتا كده سعت الشعب على شىء الكل بيوصل لغايت الكورسى وينسى الناس والشعب ومطالب الشعب وهنطر يوم من الايام ننزل تانى ويكون فى يوم مليونية تانى بأسم جمعة البطالة
- والله انا لا اعمل من 4 سنوات ولا جديد ممكن تساعدني ولا مش مهم لكم واموت من الجوع الله يسامحك لم تفعل اي شئ للمحتاجين
- النقد يكون يا دوب يا مصريين يا محترمين ده اسمو رئيس وزراء جمهورية مصر العربية الحرية مش انك تكون قليل الادب وفاكر نفسك خفة
- يا دكتور عصام يابتاع واهم واهم واهم انت مش واخد بالك ان اللى عامل الوثيقة اللى خاربة الدنيا هو النائب بتاعك ولو انت بتتكلم جد طيب ما تعزلة والا تحاكمة والا انت فاكرنا هبل وان احنا هنصدقك فى حاجة يا كداب يا منافق
- انتخابات ايه هو حد عارف حاجه عن المرشحين ولا الدوائر الحاجه الوحيدة الى بشفها يوفت الاخوان وحزب النور والعدالة
- يا دكتور عصام انا لو مكانك اترك العمل السياسى واجلس فى البيت من اجل الحفاظ على كرامتك فأنت لا تصلح للعمل السياسى تماما فأحفظ ماتبقى من كرامتك فأنت بالعاميه المصريه ( طرى ونى ) .
- للاسف احنا شعب بيضحك عليه حتى و هو بيعمل حاجة صح يعنى يوم 11/2 فرحنا ان المخلوع تنحى و سلم الحكم للمجلس العسكرى للاسف كان لازم يكون فيه قيادة من الثورة مجلس انتقالى يعنى هى اللى تستلم الحكم و الجيش معزز مكرم فى مكانه بس للاسف ده متمش فحتى الان الثورة لم تقم و انما كانت انتفاضة اعتقد الثورة الحقيقية قادمة لا محالة و اعتقد ان الصورة وضحت الان للجميع و ارجو ما يضحكش علينا تانى و شكرا
- يا دكتور عصام نزاهة الانتخابات مش فى عدم تزويرها النزاهة فى عدم شراء الأصوات أو حتى فى إستغلال حوجة الناس من الفقر وإستغلال فقرهم يا دكتور عصام الإنتخابات تقريبا محسومة للإخوان والسلفيين فهم يبرتعوا فى البلد وكأنهم يحكمون نحن لسنا ضد الإسلام فأنا مسلمة ولكن ضد الإسلام المسيس وإسلام المتأسلمين من فضلك إعمل حاجة لو مش للشعب كله فعلى الأقل لأحفادك
- لم تقدم شيئا يا د عصام لمصر فى منصبك حتى الان ..... اتق الله و اترك المسئولية طالما لا تستطيع ان تقدم شيئا و تساعد على افساد الثورة