يوم فى ديزني لاند .. فرع باريس !

النهاردة موعدنا مع التسلية و المتعة فى أكثر مكان أي حد في الدنيا بيحلم يزوره فيه هو عالم " والت ديزني " .. تعالوا تقرب من العالم ده من خلال صديق الموقع " مدحت أحمد عبد القادر " مهندس البترول واللي لسه راجع مع أسرته من ديزني لاند .. فرع باريس .
" الفندق "
أول حاجة أحب اعرفها لكم أن ديزني لاند بتبعد عن مطار " شارل ديجول " حوالي 45 كيلومتراً .. و هتلاقوا هناك فنادق كثيرة جدا مميزة أهمهم طبعا هو فندق ديزني لاند .. و هو ده الفندق اللي احنا نزلنا فيه .
##
" ديزني الجميلة "
عند البوابه الرئيسية طبعا وقفنا كثير جدا عشان نقدر نقطع التذاكر و بعد ما تخطينا المرحلة دي كانت هناك " بروشورات " على يمين ويسار الممر ، وكانت تحتوى على خريطة الحديقة و كل شي يتعلق بمطاعمها ونوع الأكل اللي في كل مطعم .. و في البروشور أخر مكتوب بالتفصيل موقع كل محلات البيع سواء كانت للملابس أو للأكل السريع والمقاهى ، و طبعا كان فيه بروشور عبارة عن خريطة الألعاب وأفضلها والأماكن اللي ممجد نجد فيها ميكي وميني ماوس وغيرهم .
##
" Fast pass "
أصحابي إللي راحوا ديزني لاند في امريكا قالوا لي ممكن تتغلب على الزحمة هناك من خلال تذاكر ال vip و هي أغلى من التذاكر العادية ومن خلالها نقدر ندخل اي لعبة من غير أي طابور ، لكن للأسف الميزة دي مش موجودة في ديزني فرنسا .. لكن هناك حاجة تانية أسمها ال( Fast pass ) وهي تعني خدمة المرور السريع .. وبعدين بتلاقي 3 ماكينات بمجرد ما تدخل التذكرة تقدر تدخل اللعبة من غير طابور .
##
" المنتجع بألعابه "
هي الملاهي نفسها متقسمة ل5 أجزاء .. وكل جزء منفرد بألعابه والسوق الخاص به و مطاعمه المميزة .
##
disneylnd parkو main street usa
شارع الولايات المتحدة الرئيسي ، و ده بيفرجنا الشكل اللي كانت عليه المدن الاميركية الصغيرة ، وفيه المباني الخشبية الصغيرة .
##
Fantasyland
بالنسبة لأولادي ده كان أجمد مكان .. لأن كان هناك فيه منزل بينوكيو،
والجمال النائم وسنووايت و عرض It's a small world
اللي بيجسد العالم بأكمله من خلال تقديم لوحات خاصة بكل بلد من بلداننا العربية والبلدان الغربية.
##
adventureland
أرض المغامرات فيها القراصنة والمهربين والكابتن هوك وعائلة وبايرت اوف ذو كاريبيان، و هناك بيعملوا مطاردة سريعة في المياه على عربيات تتحرك في سكة لولبية تلتف 360 درجة.
##
disneyland village
تقع بين حديقة ديزني لاند والفنادق وبها عروض كثيرة و ترفيه طوال الليل ، و هناك ركبنا حاجة اسمها Panoramagique عبارة عن منطاد
يركب فيه 30 شخصاً تقريبا و فيه سينما ثلاثية الابعاد و لعبنا بعدها لعبة
الأركيد ، و على فكرة ديزني لاند بتفتح الساعة 10 صباحا و بتقفل 10 مساء
##
##
##
##
##
##
##
##
##
##
##