كلام بنات مع أسما شريف منير

أسما و شيماء و ريهام 3 بنات أصحاب جمعهم إلي جانب الصداقة شغفهم و حبهم لكل جديد في عالم الموضة و الجمال ..
تصوير : محمد خضر
استعنا بموهبتهم في هذا المجال لكي يقدموا لنا استايلات جديدة تكون مميزة ومختلفة.
تقول أسما – وهى ابنة الفنان شريف منير : أكثر الأمور اللي هنلاحظها في خطوط الموضة هذا الموسم هو العودة لموضة الثمانينات في أكثر من موديل مثل موديلات الفساتين القصيرة مع الأحزمة الضيقة تحت الصدر، كما أن السالوبيت يكون مناسبا لجميع الأعمار وخروجات بعد الظهر، أما ألوان ملابس هذا الموسم بها الكثير من التنوع ستجدي فيها الألوان الترابية و كذلك الألوان الجريئة و الألوان الممتزجة معا زي الآزرق مع الفوشيا وطبعا اللون الزيتي والرمادي مكملين معانا من الموسم الماضي، وبالنسبة للملابس السوارية اللون الأسود كان ولا يزال ملك ألوان السواريهات خاصة اذا كان مطعم ببعض الإكسسوارات والأسترسات ونصحية في السهرات لا تكوني متكلفة فكلما زادت بساطتك زاد جمالك.
وتضيف أسما قائلة : أما بالنسبة لموضة الأحذية والشنط لازم يكون عندك الجرأة أنك تلبسي مختلف الألوان والموديلات و شكل الأحذية رجع تاني دائري شوية من قدام ، وتعتبرالأكسسوارات مهمة جدا، ولازم تجددي من طلتك باستخدام اكسسوارات فضي و الأكسسوارات التي تحتوي على الأحجار الملونة زي الأحمر و الأسود و الأخضر ممكن كمان تكون الحلقان عامل مكمل لهذا اللوك، بالنسبة للماكياج لازم يكون درجته مناسبة للون بشرتك والكحل استخدمي النوع الطري منه عشان متجرحش عيونك و املي كل الفراغات بين رموشك و الأيشادو خليه ممزوج بلون ملابسك والبلاشر خليه خفيف عشان يبان طبيعي والماسكرا مهمة لنظرة أجمل والروج الأحمر لسه موضة ومكمل للشتاء.