انتقد باسم يوسف خلال حلقة، الجمعة، من برنامج ''البرنامج'' الهجوم الذي شنه عليه المحامي مرتضى منصور، وتهديده بمقاضاته حال تطرقه للحديث عنه. وقال يوسف موجها حديثه لمرتضى:'' انت زعلان مني عشان البذاءة ولا عشان الأضواء سحبت منك وعايزني اتكلم عنك .... مسيرك يا ملوخية تيجي تحت المخرطة''. كان باسم يوسف قد عرض فيديوهات لهجوم مرتضى منصور على الرئيس مرسي في حلقة، الجمعة، حينما قال إن «البلتاجي شبه اللمبي، ومرسي بيرجع في قراراته زي عبد الفتاح القصري». ورداً على ما ذكره مرتضى منصور بأن باسم يوسف لا يستطيع أن يذكر اسمه في البرنامج، قام «يوسف» بترديد أغنية «يا مرتضى يا مرتضى.. أنا جبت سيرتك يا مرتضى.. عندك سي دي هددني بيه.. هات آخرك يا مرتضى». وقال باسم يوسف إن هجوم منصور عليه ل«غيابه عن الأضواء الإعلامية الفترة الماضية، وهاجمه ليظهر على الساحه مرة أخرى»، مضيفاً: «يقبل أي دور، يدافع عن مرسي يدافع عن مبارك، يجري على خالد عبد الله وتوفيق عكاشة، المهم الأضواء متروحش بعيد عنه». وخاطب باسم يوسف مرتضى منصور، قائلاً: «اشتم شوه طلع عليا إشاعات، هو ده تمامك، إنت ملك السيديهات وإحنا ملوك الفيديوهات، جيب آخرك إحنا لسه في الأول، خد كام أسبوع تتكلم عننا، لكننا هنرد وقت ما نحب نرد، مش وقت ما تحب وخصص الإعلامي باسم يوسف الجزء الأول من حلقة، الجمعة، من برنامج ''البرنامج'' لانتقاد خطابات الرئيس محمد مرسي خلال الأسبوع الماضي، وحصوله على الدكتوراة الفخرية في الفلسفة من أكبر جامعات باكستان. وظهر باسم يوسف مرتديًا زيًا شبيهًا لما ارتداه الرئيس خلال تسلمه الدكتوراه الفخرية، والذي اشتهر ب''السلطانية''، ساخرًا بقوله: ''كل حاجه واسعة عليك ياريس.. البرادعي يقول عليك ايه''. ورد المحامي مرتضى منصور، عضو مجلس الشعب السابق، علي الإعلامي باسم يوسف في مداخلة بقناة الفراعين قائلا : «أنت بدأت بالعدوان، وشكلك متعرفش تجربتي مع أحمد شوبير، واللي يقل أدبه عليا هديله بالجزمة، وهدوقك جزمتي». وقال «منصور» في مداخلة على قناة «الفراعين»، مساء الجمعة: «وحياة (..) يا باسم لأخليك تندم»، مضيفاً: «أنا كنت بقول لزكريا عزمي في عز جبروته إنت بتخرب مصر، في الوقت ده يا باسم كنت مستخبيين تحت السرير». وأضاف: «أنا مش بلطجي ولا فتوة أنا عندي ناس بالملايين في الصعيد والمنوفية والبحيرة وكفر الشيخ، يا باسم إنت فرحان ب(البنات ...) اللي بييجوا معاك وتقعدوا تقولوا هأهأهأ». وهدد بقوله: «لو كان البرنامج على الهواء والله مكنش يقدر باسم يوسف يكمله، هستخدم حقي القانوني ضده». وواصل تهديده قائلاً: «واضح إنك متعرفش تجربتي مع شوبير ومع غيره وغيره، وأنا سعيد باللي عملته يا باسم النهاردة، علشان مصر كلها تعرف إن إنت اللي بدأ بالعدوان»، مضيفاً: «هتتكلم عليا بقلة أدب هديك بالجزمة، وهتدوق جزمتي .. ..