عمرو أديب يسأل : ليه مرشح رئاسي يدفع فلوس لجريدة قذرة علشان تشوه صورتي قدام الناس؟!

في السطور القادمة يمكنك متابعة ردود فعل المثقفين والكتاب والسياسيين والفنانين وحتى بعض الشباب لحظة بلحظة، بدون أن تحتاج للبحث ورائهم في الفضائيات ، تعالوا نعرف كل ما كتبوه على تويتر في الساعات الماضية..
أحمد ماهر: مش مقاطع، بس لسه ماقررتش هانتخب مين، هانتخب رغم انى اصلا مش مقتنع بالانتخابات اللى بالمنظر ده، وبعد الانتخابات لينا كلام تانى
هاني مأمون: الفقراء وبدون عتاب عليهم سيبيعون صوتهم لأعلى سعر"موسم".أغلبهم فاقد الأمل في مستقبل أفضل ولا يروا أبعد من أطراف أنامل اقدامهم
أحمد العسيلي: المفتاح عند الطبقة المتوسطة والفقراء؛ هل فعلا فقدت الأغلبية ثقتهم في الإسلاميين؟ هل فعلا بيثقوا في إختيارات "الثورة"؟.. في رأيي الإجابة لأ، اللي حصل من مواقف الإسلاميين في السنة اللي فاتت مش كفاية إنّهم يفقدوا الأرض، إحنا شعب صعب الإقناع.. وقرارات "الثورة" طبعا لا يبدو ان الأغلبية بتثق فيها، دول حتّى مش عارفين مصدرها! لأ احنا في مأزق الحقيقة :)
عمرو أديب: يا تري ليه مرشح رئاسي يدفع فلوس لجريدة قذره علشان تشوه صورتي قدام الناس .. الحمد للهً انه مش حيفوز حتي لو دفع لمصر كلها وانا مش حسيبه.. وحارفع قضيه علي الجورنال التافه وهما بقي اللي حيدفعولي 2 مليون دولار.. نفس لعبه النظام اللي فات لما حد ما يمشيش علي هواهم يبقي علي طول نولع فيه حرامي مرتشي نصاب شاذ جنسيا وفكريا امه مش امه وهكذا.
عمرو واكد: كتاب الخباثة بيقول يكسبوا مرشح محسوب على المتأسلمين مع سحب الصلاحيات السيادية (الدفاع والداخلية والخارجية الخ) واهه تبقى اسمها نزيهة.
خالد دياب: الثورة اتهزمت في معارك كتير بس المعركة المصيرية دلوقتي هي معركة الاعلان الدستوري المكمل الي اما هيقتل الثورة تماما أو نرفضه فيكون فيه امل
عزيز الشافعي: اللي يهين حسن شحاتة ميبقاش زملكاوي .. اللي عمله حسن شحاتة ف تاريخه للزمالك ولمصر مش حيعمله فريق الزمالك بالاحتياطي طول عمرهم
باسم كامل: أدرك أن اصوات المصريين في الخارج ليست مؤشر نهائي ولكنها رسالة مبدئية لبسطويسي والحريري وخالد: أما آن الأوان للتنازل؟ و سيذكرها التاريخ لكم
أنس حسن: لم اعجب من شيء قدر تعجبي من قدر "الإخوان" أو مؤيديهم على صناعة الكذب خلال الفترة السابقه ، عموما هي دي السياسة عارية عن أي دثار أخلاقي
باسم يوسف: فيه ناس نبهتني اني فعلا اعلنت تأييدي لهياتم. هو ده التصريح الوحيد الصحيح اللي ادليت بيه :)
د. محمد حبيب: بعد 15شهرا من المعاناة، اعتقد ان الشعب المصري يعرف طريقه جيدا..ولن تعود عقارب الساعة الى الوراء..ثقوا فى الشعب المصرى
حمزة نمرة: أنا أعرف إن المؤتمرات يخطط قبلها بعدة أيام. مع كامل احترامي وتقديري للدكتور مرسي إلا أنه أخطأ في اعتذاره عن المناظرة قبل سويعات من بدئها
ممدوح حمزة: كل برنامج رئاسي يحتاج رئيس قوي لتنفيذه وخاصة إذا كان يطمح لتحقيق أهداف الثورة. حمدين لديه برنامج طموح وأتوقع سيكون رئيسا قويا بمعنى الكلمة
محمد البرادعي: إذا تضمن الإعلان الدستوري شرط موافقة الجيش علي القوانين الخاصة به وكذلك علي إعلان الحرب وتفويضه في صفقات السلاح سيكون الجيش دولة فوق الدولة.. بدون دستور ستستمر الأمور في التدهور. المخرج مازال أعطاء الرئيس المنتخب في الإعلان الدستوري صلاحية تشكيل لجنة توافقية لوضع دستور لكل المصريين
محمد فتحي: تمنياتي بالشفاء للشيخ أبو إسحق الحويني.. اللهم اشف كل مريض يا رب
مصطفي النجار: أيا كانت نتيجة الانتخابات هناك نواة قوية لميلاد تيار سياسى حقيقى يستطيع أن يقدم بديلا للمشاريع القائمة بتنوعه ونقائه وكفاءته
سميرة إبراهيم: الظاهر كده نهاية الطريق اقترب ونحرر بلدنا من انف الفاشية
حازم عبد العظيم: مرشح : طب صلاحياتي إيه طيب؟ مش شغلك هانقولك بعدين!خليك في اللي انت فيه؟ ماري منيب لو عايشة كانت سألته: انتي جاية اشتغلي إيه؟
خالد علي: أنا خالد على أعلن اضرابى عن الطعام لمدة 24 ساعه بداية من يوم الاحد 20 مايو تضامنا مع الثوار المعتقلين فى أحداث العباسية والمضربين عن الطعام
وائل غنيم: قررت أروح النهاردة للحلاق .. لأن بقالي شهرين ونص مشوفتوش وعايز أعرف هينتخب مين... وعلى فكرة، الحلاق طلع هينتخب أبو الفتوح :)
أيمن الصياد: مرضى الاسلاموفوبيا مازالوا للأسف يحاربون معاركهم القديمة، رغم أن الذئب على الأبواب. أيها الديموقراطيون إقرأوا الإعلان الدستوري المقترح
جابر القرموطي: لأول مرة في العالم الانتخابات الرئاسه في مصر ممكن تنتخب فرد ابو الفتوح.. فردين حمدين.. جماعه مرسى.. فريق .. شفيق
عمر طاهر: اللى مجلس ادارة الزمالك بيعمله ده بيضعف فرص حمدين عبوكو عبو اللى رجعكوا.. يا رب حسن شحاتة يمسك الأهلى