الشيخ حازم أبو إسماعيل : رجالة طول عمر بناتك يا بلادنا رجالة !

في السطور القادمة يمكنك متابعة ردود فعل المثقفين والكتاب والسياسيين والفنانين وحتى بعض الشباب لحظة بلحظة، بدون أن تحتاج للبحث ورائهم في الفضائيات ، تعالوا نعرف كل ما كتبوه على تويتر في الساعات الماضية..
من نور آدم مؤيد مبارك لأحمد ماهر: احنا مؤيدين لمصر فاحنا اللي هنعيش للابد موش زوبعة في فنجال زيكم .. احنا الاصل واحنا اللي ربنا معانا .. اتكل على الله
وأحمد ماهر يرد: انتم مؤيدين لمصر مبارك يعنى الفساد والقمع والنهب واداره فاشله، واحنا مؤيدين لمصر التقدم والرقى والحريه والديمقراطيه واداره علميه
أحمد العسيلي: أنا شايف أبو الفتوح الأنسب، وشايف عمرو موسى لو كسب حيبقى أبطأ بس مش مأسوي، وحازم لو كسب حتبقى كارثة
بثينة كامل: اجمل الامهات تلك التي انتظرت ابنها وعاد مستشهدا..فبكت دمعتين ووردة ولم تنزو في ثياب الحداد..لكن اقسم باني لن افرط في دماء ابناء وطني
عمرو حمزاوي: كل عيد أم وأمهات مصر والعالم بخير. أطال الله في أعمارهن جميعا ومتعهن بالصحة والرضا. أطال الله في عمر أمي ومتعها بالصحة ورزقني رضاها
دينا فاروق: الى كل البنات انتبهوا‎:( فى رجاله بتستعبط عليكم إنتى من حقك حتى لو لسه ماتخطبتوش يجيلك هديه فى عيد الأم باعتبار ما سوف يكون إنك هاتبقي أم عياله‎:)
باسم يوسف: بافتكر بلال فضل بعد تجاهل البعض احكام البراءة لكشوف العذرية: اترضاه لاختك؟ و الله حسب الظروف
إسراء عبد الفتاح: سنتحرك بمسيرات إلي قاعة المؤتمرات يوم السبت 2 ظ من أجل دستور يكتب بإرادة ومشاركة الشعب المصري بالكامل وليس بأغلبية البرلمان
د. محمد البرادعي: نهضة المجتمع مرهونة بتقدير دور المرأة و تكريمها. لكل أمهات مصر كل عام وأنتن بخير
محمد فتحي: في كل مرة أجد نفسي في حيرة ماذا سأشتري لأمي في عيد الأم لكنها والحمد لله تساعدني كثيراً حين تقترح أن تأخذ حقها ناشف..
مصطفي النجار: ان تحزيب الدستور وصبغه بلون أيدلوجى معين هو بداية النهاية والسقوط لأى دستور وأى تيار سياسى يحاول ممارسة هذا سيضع نفسه فى مواجهة الشعب
نوارة نجم: بصراحة والشهادة لله يا ولاد مفيش زي السعودية، ايدهم فرطة وما بيقولوش على حاجة لا ولا حتى بيتابعوا ورا اللي بيدوهم الفلوس.. لعلمكم الامريكان معفنين وكل ما يدوا حد تمويل يطلبوا منه تقرير سنوي ويقرفوهم في عيشتهم انما السعودية بتطلعها زكاة عن صحتها وعافيتها .
شريف عامر: احنا البلد اللي خلينا أسطوانات الدبرياج تتغير و هي المفروض بعمر العربية .. :)
حازم عبد العظيم: اعتقد لو الإخوان هايرشحوا الشاطر للرئاسة لا مفر من مليونية "با كا بورتا" بتاعة عادل إمام !فعلا ده اللي ناقص يكون رئيس مصر نائب المرشد
أبو نسمة الأسطورة: تريق على حازم ابو اسماعيل راح واحد كتبلي كومنت ده " اللهم لا تؤخذنا بما فعل السفهاء منا " هو مش عصر عبادة الاصنام انتهى برضه
حازم صلاح أبو إسماعيل: رجالة طول عمر بناتك يا بلادنا رجالة مع تحياتى لبنات ابو إسماعيل هو ده الشغل ..
حمدين صباحي: فى عيدها أفخر بفضل أمى وبالشهيدتين الحاجة لطيفة والحاجة فتحية وبأم الشهيد جمعة الزفتاوى وبأمهات شهداء 25 يناير . الجنة تحت أقدام الأمهات
عمر طاهر: الإغراء مش بالدهن لكن بالذهن
نادر بكار: لتظل الشريعة دائماً بمعزلٍ آن تُخذل لأن فلاناً عصى أو علاناً خالف النهج؛ فإن من يكسب إثماً إنما يكسبه على نفسه لن يضر شرع الله شيئاً.
يوسف الحسيني: صباح اكتر من جميل لكل ام و لكل واحدة هتبقى ام صباح محبة ودفا لكل الثكالى نعاهدكم بان دمهم ما يروحش هدر
عزيز الشافعي: كنتي فين يا لا لما الجهلة و المغيبين والانتهازيين قالوا نعم
أحمد سبايدر: فى الوقت اللى فرنسا عدد مرشحى الرئاسة فيها 10 مرشحين بيوصل عدد مرشحى الرئاسة في مصر ل 950 مصر يوم عن يوم بتثبت للعالم كله انها ام الدنيا فعلا.