من شهرين، وأنا قاعد بأتعشى فجأة لقلت مراتى تصدقى إن شادية قربت، وقبل ما تعلق نقلت على موضوع تانى، من كام يوم قريت خبر الوفاة اتضايقت أوى لمدة خمس دقايق، بعدين قلت لنفسى إيه العبط دا؟ هو اللى زى شادية بيموت؟ لو ع الشخص والجسد ما هى بقالها تلاتين سنة مالهاش وجود إنما مالية الدنيا بالعكس. إحنا بقى عندنا يوم 28 نوفمبر من كل عام هيبقى ذكرى أتمنى نفتكرها شادية حالة فنية استثنائية لو حاولنا نختار أبرز عشرة فنانين عملوا تاريخ لنفسهم ولفنهم سيما وغنا مؤكد شادية هتكون منهم مع سعاد وصباح ونجاة ووردة وليلى بس هى الأميز على الإطلاق فى إن وزنها كممثلة ما جارش على وزنها كمطربة ولا العكس. شادية حبيبتى ربنا يطول لنا فى عمرك.