ابن من أبناء القلعة البيضاء ويرتبط بحالة عشق كبير لناديه ..حمادة انور عضو مجلس ادارة نادى الزمالك الذى حرصت «روز اليوسف» على إجراء حوار جرىء معه. - فى بداية.. هل تتوقع نجاح باتشيكو مع الزمالك؟ مفيش حاجة اسمها هينجح ديه بتاعة ربنا .. لكن النادى سيوفر له كل عوامل النجاح وهذا هو المهم ونتمنى له التوفيق. - لكن البعض يرى ان باتشيكو مدرب دفاعى؟ لا.. كل مدرب يعمل حسب امكانات لاعبيه والظروف المتاحة امامه وطريقة اللعب يتم تحديدها بناء على ذلك. - بعض الجماهير كانت ترفض عودة باتشيكو؟ الامر عادى هناك مدربين كتير بيمشوا فى اندية وبنرجع نجيبها تانى طالما نحتاجهم. - هل ترى ان عصبية فرجانى ساسى فى الفترة الاخيرة مؤشر على احتمالية رحيله؟ ساسى لاعب محترف وعنده عقد مع الزمالك ومفيش حاجة اسمها عاوز يمشى هو كل لاعب بتعصب يبقى عاوز يمشى . - مصطفى محمد مستمر مع الزمالك ام سيحترف؟ لو جاء له عقد احتراف كويس يليق به وباسم نادى الزمالك مش هنقف ضده - هل تقينة الفار اضافة لمباريات الدورى ام لا؟ طبعا اضافة هى دلوقتى بتوضح كل حاجة وكل الفرق راضية تقريبا بنسبة 70 % . - ماذا حدث فى قضية القرن؟ يعنى الملف شغال . - هل تتوقع ان يحصل الزمالك على حقه؟ اتمنى ذلك - وهل الاتحاد الافريقى جامل الاهلى فى نادى القرن؟ قولنا قبل كدة مفيش حاجة اسمها 7 اكتر من 9 طبعا هناك مجاملة. - هل ستترشح فى انتخابات مجلس الادارة القادمة على منصب العضوية؟ لسه هذا الكلام سابق لاوانه ولسه فاضل سنة. - اتعتقد ان هناك حرب على الزمالك؟ الزمالك طول عمره بيتحارب بس حاليا فى مجلس ادارة برئيس ناد يقدر يكون حائط صد لأى هجوم على الزمالك. - كيف ترى فرصة الزمالك فى الفوز ببطولة افريقيا؟ ان شاء الله هنكسبها بنسبة 100% - متى ينتهى فرع 6 اكتوبر؟ بدأنا فيه ونسير خطوة بخطوة وهو حاجة كبيرة جدا. - ماهى رسالتك لجماهير الزمالك؟ اتمنى نخليهم فرحانين ونحقق البطولات وده واجبنا.
