حالة من الفرحة والاعتزاز سيطرت على نشطاء التواصل الاجتماعى بعد دعوة الصين للرئيس عبد الفتاح السيسى لحضور قمة بريكس للدول الأكثر نموا، إذ قال أحد النشطاء عبر حسابه الشخصى على فيس بوك: «الصين تدعو الرئيس عبدالفتاح السيسى لحضور قمة بريكس للدول الأكثر نموا عشان اللى مبيفهمش يفهم». وقال آخر على فيس بوك: «عشان تعرفوا ان الاهتمام مبيتطلبش وان مصر دايما مطلوبة.. الرئيس عبدالفتاح السيسى بناء على دعوة من الصين هيطير للصين أول الشهر الجاى للمشاركة فى فعاليات الحوار الاستراتيجى حول تنمية الأسواق الناشئة والدول النامية، الذى سيقام على المستوى الرئاسى على هامش قمة مجموعة البريكس التى تضم 5 دول ذات الاقتصادات الأسرع نموا فى العالم وهى الهند والبرازيل والصين وروسيا، وجنوب إفريقيا.. دايما مصر فى تقدم معاك يا سيسى». وقالت إحداهن فى عدة تغريدات على حسابها بتويتر: «دايما مشرفنا يا ريس.. لما الصين تدعو السيسى لحضور قمة هتنعقد هناك يبقى الحضور المصرى بيعمل فارق.. يعنى سياسية مصر الخارجة قوية مع الدول.. يعنى مصر دولة ليها شأنها ومكانتها وبيتعمل لها ألف حساب بين الدول.. وكل ده بعد فضل ربنا حنكة السيسى اللى كل يوم بيثبت أنه شخص عنده بعد نظر وتقدير دقيق للأمور.. مصر معاك يا سيسى فى أمان وتقدم».
