واحة الشعر

يسيل بجوار النيل فى بر مصر نهر آخر من الإبداع ... يشق مجراه عبر السنين والأجيال داخل نفوس المصريين ... فى سلسلة لم تنقطع ... وكأن كل جيل يودع سره بالآخر ... ناشرين السحر الحلال ... والحكمة فى أجمل أثوابها ... فى هذه الصفحة نجمع شذرات من هذا السحر ... للشعر ... سيد فنون القول ... الذى يجرى على ألسنة شابة موهوبة ... شاركت مع فريق «روزاليوسف» فى تحرير هذه الصفحة بمشاركاتها على rosareaders@gmail.com


مصرى مطحون

ما عدّتشى ولا مره
بيبان الحلم للآخر
يدوب أمشيلى كام خطوه
وعنى الكل يتاخر
ولا حاجة وصلتلها
طموح بيضيع من الآخر

رياح الحسرة مسكانى
تدمرلى اللى بَسّعى لُه
سيوف الوهم قتلانى
ولا حد انشغل بالُه
ولا جه مرة يرعاني
ولا ادانى ف يوم مالُه

وغيم إسود ملازمنى
معكر صفو أشواقى
وضحكة فيا تألمنى
تلخبط فيا أوراقى
تتوهنى بحور ظنى
ومالقاش فرّح يوم باقى

طريق اليأس غطانى
وليل الهم عرفّنى
بإن الحيرة عنوانى
ولا فيه شىء بينصفنى
ومليون خطوة وخدانى
لدوامه بتعرفنى

ومادد للزمان ايدى
تشاور للنجوم روحى
ويسكن قلبى تنهيدى
وليه يا ضحكة بتروحى
وليه يا دُنيا بتحيدى
ولا بتهتمى بجروحى

قلوب مهمومة بعيوبي
وغايتها تجيب سيرتى
وامتى يا غيرة هتوبى
ويحتاروا بنار حيرتى
والاقى بكرة محبوبى
يبات جوايا و ف صورتى

إلهى وحدك العالم
محطات الأمل فيا
ومظلوم كنت مش ظالم
ولا المال كان ف يوم غيه
بأمرك بس اكون سالم
بروح طاهره ومهديّه

شعر- محمد زكريا حبيشى
نزل الستار


نزل الستار على الرواية
طلع الصباح بنوره
قاد الضياء مشاعرى
لا تسألنى ماهواك
يكفينى أنك لست أنت
فلكل عاطفة مدى
إن كان غرك أن سحرك
ارحل فقد ذهب الصبا
لا تجادل فى النهاية
وتبدلت تلك الحكاية
فرفعت للعصيان راية
بعد الضلال إلى الهداية
الآن مالك فى هوايا
ولم تعد لى فيك غاية
ولكل عاصفة نهاية
آية فتنت صبايا
واجتزت مرحلة الغواية
نزل الستار على الرواية

الشاعر ريهام محمود



عصفور
أشكو:
حائطُ بيتى يؤلمنى
يصرخُ:
سكانى سجنونى
أرسمُ فوق الجدران حصانا
كى تصهلَ
أرسمُ موسيقى
تتألمُ
أرسم عينا
فتنامَ
وأكتبُ فوق العمدان: شقوقى تقتلنى
كى تسقطَ فوقى


شعر- أحمد الحضرى

«بين قوسين»

الواد اللى بيحلم بيها
سهران يرسمها ف كراسته
تنط من الصورة وتدخل ...
على أقرب حتة ف كينونته
تتكون منه ومن دمه
وجيناته تظهر ملامحها
تسرح فى وريده وشرايينه
تزرع على شطينهم بكرة
تستقبل شمسه وفجريته
بتغريدة بايتة تلحنها
البنت اللى إستنت بكرة
والواد اللى بيحلم بالفكرة
ماتت فى عيونهم أحلامهم
لحظة واقع صحتهم
بصوّا حواليهم.. وفوقيهم
خفاش بينادى على اخواته
البيت الواسع بات مظلم
والبنت بتشنق فرحتها
..............................
الواد اللى بيحلم بيها
سهران يرسمها ف كراسته
(قَوّسها) وحاوط على قلبه
صحّى الشمس تمد فى ضفايرها
وتنوّر لحبيبته طريقها..
شد زناده ف أحلامه
وقرر... يحرس أحلامه ويحرسها

شعر عصام مهران

ضل جانى

ورده من سفن اشتياقى
لسر ذاتى فى تكويناتى
من تسابيح انبساطى
من بحر صفو حكاياتى
من عسل مجد ابتدائى
للربيع اللى كسانى
ضل جانى
من جنان سحره عطانى
وبرضا شوقه احتوانى
ياكيانى يانى يانى
دوقينى المعنى تانى
عطر حرف الشوق شجانى
السما تمطر أغانى
والمطر يروى المعانى
تطلع النشوة فى ورودى
تغسل الضحكة فى خدودى
تشطف الحلم بأمانى
زمزمينى
بلى شرخ الجرح فينى
بلسمينى
وانبضى فى عروق حنينى
روضى الضحكة لأنينى
عودى البسمة تلاقينى
ارسمى الفجر فى عيونى
رقصى البدر فى جنونى
يرسى بحرك للموانى
شعر محمد عبد القوى حسن
يا حلوة

يا حلوة يا اللى من زمان
خمرية لون أرضك تمام
قالوا بناكى بانسجام
والعشق درجة ف الهيام
يا حلوة ليه مر الزمان
وعشش الحزن المكان
والنكتة اللى فى ماضى كان
شَحِت اليوم والهوان
يا حلوة أنا عاشق زمان
عصفور أنا أو طير حمام
جُواها كان إحساس أمان
يا حلوة يا ريت الزمان
ع الشط راسمة ضحكتك
بالخير بتهدى صُحْبِتك
حلوانى عاشق تربتك
أحلى ما فيها محبتك
ضاعت بخطوة بسمتك
وانطفى نور نظرتك
سلاح يخفف ظلمتك
والكآبة حاصرتك
وقهرنى حزنك حسرتك
يلف يرجع غِيْتك
ليه غُربْتى فى عشتك
يرجع ينور خطوتك
محمد أمين محرم