نشطاء الفيس بوك تعليقا علي حادث قطار البدرشين: وزارة النقل إلي الآخرة.. مش هنركب «قطر تاني»

اتشحت صفحات موقعي التواصل الاجتماعي «فيس بوك» و«تويتر» بالسواد جراء حادث انقلاب عربتي قطار البدرشين الأليم الذي راح ضحيته 19 وأصيب 107، وكتب النشطاء العديد من التعليقات الساخرة أحيانا والغاضبة في أحيان أخري والتي تحمل نقدا للرئيس محمد مرسي ولحكومة الدكتور هشام قنديل وتعكس حالة الحزن والغضب التي يعيشها المصريون حاليا.
وجاءت أبرز التعليقات علي موقع الفيس بوك كالآتي: «بعد أن انتهي الراديو من إذاعة نبأ حادث قطار البدرشين وأعداد القتلي والجرحي تبعه إذاعة أغنية لعمرو دياب «أيام وبنعيشها هنعمل ايه يا قلبي في ناس مهماش ناس مفيش إحساس مش بيحسوا بجروحنا» وبجد دي حقيقة، و«س ح م المفروض إنها سكك حديد مصر بس هي بقت سيادتك حتموت مقتول»، «وزارة النقل إلي الآخرة»، و«أما آن لمحمد مرسي أن يستيقظ من نومه ويقطع قيام ليله ويتفرغ لجثامين المصريين»، و«عيش حرية موتة طبيعية»، و«اعتقد أن قطار الموت في دريم بارك آمن أكثر من قطارات سكك حديد مصر»، و«صباح النهضة أنا نهضت النهاردة الصبح من النوم علي أخبار نهضوية مفزعة قطر اتقلب ومات 19 واصيب 107»، و «نهضنا في 6 شهور اكتر من اللي نهضناه في 30 سنة كفااااية بقي لحد كدة نهضة كفاااااااااااااية نهضة كفااااااااااااااااية أبوس أيديكم»، و«بتاع قطارات مصر: 12 قتيل سنة93.. و75 قتيل سنة 95.. و 11 قتيل سنة 97 .. و50 قتيل سنة 98.. و20 قتيل سنة 99.. و350 قتيل سنة 2002 .. و80 قتيل سنة 2006 .. و58 قتيل سنة 2007.. و30 قتيل سنة 2009 .. و52 قتيل سنة 2012 .. 19 قتيل سنة 2013»، و«فاضلنا حادثة طيارة وماتش جزائر ونبقا خلصنا كوارث عهد مبارك كلها في 6 شهور»، و «هشام قنديل يمضي علي صفقة قطارات بتزمر بتقول تييييت عشان اللي بتقول تووت دي بتعمل حوادث»، و «إن في مصر هيئة لو صلحت صلح الجسد كله س ح م»، و«دمنا علي الأرض في كل مكان في الميدان في الشارع في الاستاد في القصر الرئاسي علي قضبان القطارات وفي اتوبيسات المدارس ناقص فين تاني».. فيما قال الناشط السياسي أحمد دومة «عشرات الشهداء من المجندين البسطاء في حادث قطار البدرشين وطبعا مش مرسي اللي كان سايق القطار»، وقالت جميلة إسماعيل: «كفاية»، وكتبت نوارة نجم علي حسابها علي فيس بوك: «محدش يركب قطارات تاني بقي».