فرفش

محشش بيقول لصاحبه: إزاى أعاكس البنات؟ قاله: شوف البنات لازم تيجيلهم بالسياسة

راح المحشش لأول بنت وغمز لها وقالها إيه أخبار مبارك يا حلوة

كل بنات العالم بيتجوزوا عشان يعملوا بيت وأسرة إلا بنات مصر.. بيتجوزوا عشان يغيظوا بعض

محشش قاعد مع أمريكى وبيسأله:بتدخن؟ قال: نو

بتشرب خمرة؟ قال: نو

بتضرب مخدرات؟ قال: نو

بتعاكس بنات؟ قال: نو

رد المحشش: يخرب بيتك كافر عالفاضى


مرة واحد مراته مسيطرة عليه

فبتقوله نفسك تكون ايه يا حبيبى؟

قالها نفسى أكون ازازة ريحة علشان كل ما تدوسى على دماغى

اتف فى وشك

صعيدى بيعاكس واحدة بالتليفون

قالتله شكلك صعيدى؟

قالها يلعن أبو اظهار الرقم

بخيل حلم انه بيوزع فلوس على الفقرا

قام من النوم وقال ابقى عيل لو نمت تانى



واحد بخيل راح يزور أمه فى المستشفى

شاف على الباب مكتوب ادفع

قال خلاص ابقى ازورها لما تروح البيت


صعيدى رجع بعد سفر 3 سنين

لقى مراته مخلفة عيل عندة سنه

قال عليا الطلاق احنا رجاله

موجودين مش موجودين بس برضه بنجيب عيال


مرة واحد ركب دش فوق السطح فعلشان ماحدش يقرب منه من السكان بنى حواليه كوخ وقفله وقال للسكان انا حاطط أسد فى الكوخ ده فمحدش يقرب منه أحسن له، السكان فضلوا خايفين يطلعوا السطح لحد ما يوم الشجيع بتاعهم طلع وراح فاتح الكوخ راح نازل جرى ووشه اصفر السكان قالوله ايه شوفته، قالهم لأ أنا شوفت الطبق اللى بياكل فيه بس


ضابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه، تانى يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للضابط كده؟ قاله كنت مسطول يا بيه
مرة دكتور صيدلى قابل دكتور صيدلى زيه قاله مرهم بيك قاله بنسلين ماشفناش بعض


مرة ثلاثة شباب راحو لأمريكا وبعد كام شهر أبو واحد فيه مات فحبوا يبلغوا فطلع واحد منهم وقال انا حبلغوا فراح وقال انت شفت ابوك امتى آخر مرة قال الولد: من شهرين رد عليه قاله: أدى دقنى لو شفته مرة تانية


مرة واحدة وحشة جدا بتقول لزوجها نفسى ابقى، عصفورة قال لها وانا نفسى ابقا بندقية


مدمن فيس بوك راح يخطب

أبو البنت: انت بتعمل ايه فى حياتك يا ابنى؟

قاله: والله يا عمى انا من البروفيل للبيج ومن البيج للبروفايل

لا بروح يوتيوب ولا ماسنجر ماليش اصحاب هاكرز ولا بروفيلات مزورة نقرأ الفاتحة يا

عمو؟ ولا عند حضرتك أى كومنت

أبو البنت قاله: لايك وشير يا ابنى


مدرس عربى بيسأل الطلاب دخلت يارا مع أحمد وخرجت يارا مع تامر؟ ما هو إعراب يارا؟ الطلاب بصوت واحد صااااايعة

واحدة بتقول لجوزها شفت الاستاذ محسن جارنا من كتر حبه لمراته اما ماتت بنى لها جامع على روحها مش بخيل زيك كل يوم سهران برا مع اصحابك ومبتعبرنيش بحاجة.. قالها: والله يا حبيبتى انا شارى الأرض والتأخير من عندك
بيقولك مرسى وهو بيسلم على رئيس الصين قام شد على ايده جامد فهمس احد المرافقين للرئيس بالراحة يا ريس ده صينى وممكن ينكسر
واحد سأل مراته: لو مت هتتجوزى بعدى؟ قالت: اكيد قال: وهينام فى اوضتى.. قالت: اكيد قال: وهتخليه يلبس هدومى.. قالت: لأ

هو أطول منك شوية

إزاى تعرف المصرىمن بين مليون واحد

لوسألت سواق تاكس على عنوان وبدل ما يدلك قالك امشى وراىَّ.. يبقى مصري.

وعلى فكرة ساعات بيغير اتجاهه عشان عنده رغبة صادقة يوصلك وخايف تتوه.

- لوصليت فى مكان وبعد الصلاة اللى جنبك مد ايده وقالك تقبل الله.. يبقى مصرى.

- إذا سمعته بعد أن يضحك كثيرا يقول «خير اللهم تجعله خير».

- لو اتصلت بيه فى التليفون، وقال لك من غير مناسبة «كل سنة وإنت طيب».. فتأكد أنه مصرى.

- لما تقابل واحد وتسأله وعمره مايقول «ما أعرفش!» جينيوس طول عمره.

- لما تنزل تلاقى واحد ساند على عربيتك واول ما يشوفك يضحك ويقولك لا موأخذه يا باشا.

- لودخلت عليه وكان بياكل ولوحتى عيش وبصل لازم يقولك اتفضل الأكل ويعيدها عليك ثلاث أربع مرات.

- ولما ركبه تخبط فى بعضها من الرعب وهوداخل القسم يعمل بطاقة الرقم القومى.

- ولما عربية تعمل حادثة فى الطريق الصحراوى أوالزراعى، وفى ثوانى تقف لها خمسين عربية ينقذوا المصابين ويعدلوا العربيات ولو اضطروا يشيلوهم من على الأرض.

- لما تلاقى ناس بتقضى العيد فى المقابر مع حبايبهم اللى ماتوا يبقى أكيد فى مصر.

- لواديت لواحد فلوس وبدأ يعدها بصوت عال وبدأ بقوله الله واحد.. ومع الورقة الثانية: مالوش تاني، ومع الورقة الثالثة: العدد ثلاثة.