جاهين والسندريللا ومكاوى.. أيقونة الثورة القادمة

تناغمت كلمات جاهين على مواقع التواصل الاجتماعى حيث يعيد شباب ثورة ال25 من يناير اكتشاف كلمات شاعر ثورة ال23 من يوليو والعبث فى أوراقه القديمة واستخراج ما يضمد جراحهم منها ويشعل بداخلهم شرارة جديدة للثورة فكانت أغلب شعاراتهم على صفحاتهم الشخصية على موقع الفيس بوك وتويتر من أشعار صلاح جاهين

الشعب قام يسأل على حقوقه، والثورة زى النبض فى عروقه، اللى النهارده يحققه ويرضاه، هو اللى بُكره بهمته يفوقه.

«لو خلينا كلامنا اليوم كله عن ومن صلاح جاهين.. يمكن نفهم أكتر ونحس أحسن بالدنيا.. ونعرف نساهم فى تغييرها»

جالك أوان ووقفت موقف وجود.. يا تجود بده يا قلبى يا بده تجود.. ما حد يقدر يبقى على كل شىء مع إن – عجبى – كل شىء موجود « «يا بحر الثورة يا هادر خلى هديرك بنظام»

وبعضهم علق على ذكرى صلاح جاهين وارتباطها بالربيع بقوله «لن أنسى او أغفر لك اكذوبة «الدنيا ربيع والجو بديع» ربنا يرحمك ويسامحك».. «يا ملونين البيض فى شم النسيم لون الحنين والشوق وخمر النديم ما تعرفوش سايق عليكو النبى تلونوا الأيام بلون النعيم؟ ورا كل شباك ألف عين مفتوحين، وأنا وانتى ماشيين يا «غرامى الحزين، لو التصقنا نموت بضربة حجر، ولو افترقنا نموت متحسرين».

كما لم ينس أحدهم ذكرى الرائع سيد مكاوى وأغنيته الثورية ما أخذ بالقوة لا يسترد إلا بالقوة التى كانت أحد أبرز أعمال الثلاثى الأسطورى صلاح جاهين وإنتاج وغناء السندريلا سعاد حسنى واخراج حسين كمال التى قدمت لأول مرة احتفاء بحرب السادس من أكتوبر 1973.

وكانت شعاراتهم الأكثر تداولا ًكلمات جاهين « نفوق بقا كده اهوه ونصحصح ونفهم الدرس ونتنصح إن كان عدوك شُضلى بيبطح لازم تكون أبضاى وفتوة!» تفتكروا لو صلاح جاهين وسيد مكاوى وسعاد كان عايشين كانوا اتحاكموا عسكريا على الغنوة دي؟


سيد مكاوى بريشة جاهين