الحاجة زينب المتبرعة بقرطها ل«تحيا مصر»: أنا زعلت من الإعلان.. واللي فيه مش حقيقي

نفت الحاجة زينب سعد الملاح، المتبرعة بقرطها لصندوق «تحيا مصر»، اليوم الأحد، تقاضيها أي أموال مقابل الإعلان، الذي يتناول قصة تبرعها بقرطها الذهبي خلال شهر رمضان. وقالت الحاجة زينب: «الناس بتتهمني إني تقاضيت فلوس عشان الإعلان (…) ناس كتير بتيجي تصورني وبوافق بس عشان خاطر البلد».
كان الرئيس عبدالفتاح السيسي قد التقى الحاجة زينب وكرمها بعد تبرعها بقرطها لصندوق «تحيا مصر». كما استخدم صندوق «تحيا مصر» قصة الحاجة زينب للترويج لأنشطة الصندوق من خلال حملة إعلانية تذاع على شاشات التليفزيون المصري خلال شهر رمضان.
وأوضحت الحاجة زينب أن الإعلان تضمن بعض الأخطاء، وقالت: «أنا كفيفة ومبتحركش من حجرتي، وسمعت عن الإعلان من عيالي وسمعت الكلام اللى فيه وزعلت لأنه مش أنا اللى بتكلم واللى فيه مش حقيقى لأن الحلق اللى اتبرعت بيه مش بتاع سيتى ولا حاجة، ده أنا كنت شرياه من تحويشة عمري». وأضافت أنها قررت التبرع بالقرط لصندوق «تحيا مصر»، ومستعدة أن تتبرع بكل ما تملك لأنها تحب الرئيس السيسي.