بالفيديو.. صلاح عبدالله ينعي نور الشريف بقصيدة

نعى الفنان صلاح عبد الله رحيل الفنان الكبير نور الشريف، وقال "الله يرحمه ويغفر له ويكفر عن سيئاته، فعلى إيده طلع ممثلين احتلوا مكانات متميزة".
وأضاف في مداخلة هاتفية مع الإعلامية رانيا بدوي، مقدمة برنامج "القاهرة اليوم"، مساء أمس الثلاثاء بشبكة "أوربت"، "اشتغلت معاه 3 أعمال في بدايتي وهي أفلام "كتيبة الإعدام" و"131 أشغال" و"قلب الليل".. ولاحقًا عملنا أفلام "دم الغزال" و"مسجون ترانزيت" ومسلسل "الدالي".
واختتم مداخلته الهاتفية بقصيدة كتبها في نعي الفنان الراحل نور الشريف قال فيها ما يلي: "مع السلامه يا نور عينى يا نور قلبى يا نور الفن اللى هيفضل يلالى .. مع السلامه يا أستاذى يا حبيبى يا صديقى العزيز الغالى .. مع السلامه يا مشوارى من " كتيبة الإعدام لحد مسجون ترانزيت ودم الغزال والدالى " .. بدموعى مثلت معاك أصعب وأغلى المشاهد .. وبدموعى بنعيك وربنا على حبى ليك شاهد .. دعمك وتشجيعك ليا ماكانش غريب عليك .. لإنك كنت بتعمل كدا مع كل اللى حواليك .. غصب عنى خلص الكلام بس إنت مش حتخلص أبداً .. مع السلامه يا نور".