ابنة النائب العام لوالدها: «احكيلي عن الجنة»

كتبت مروة بركات رسالة تخاطب فيها والدها المستشار الراحل هشام بركات ، النائب العام ، في الساعات الأولى من صباح اليوم الأربعاء.
وقالت مروة في رسالتها إلى أبيها، في صفحتها على «فيس بوك»: «خلصت خلاص بس خلصت بكابوس مش عايز يخلص فرحتي في اليوم ده أول يوم في رمضان عام 2013 يوم توليه منصب النائب العام، كانت فرحة اختياره مش فرحة بالمنصب».
وأضافت في رسالتها: «عمري ما فرحت بالمنصب، عمري يا حبيبي يا اللي أنت سندى من يوم ما اتولدت في الدنيا دى يا حبيبي، سندى بيك أنت بحضنك بتربيتك بقوتك بمبادئك بحنيتك عليا، بس خلاص أخدوك منى يا حبيبي يا سندي بس خلاص سندى هو أنا ومعايا ربنا بدعواتك ليا يا حبيبي، لأن أنا هو أنت ما هو أنا اسمى ميتفصلش عن اسمك يا نور عيني».
وتابعت: «بس قولي واحكيلي عن الجنة، حلوة بجد، فطرت مع مين يا حبيبي النهارده وامبارح فطرت مع الرسول يا حبيبي، احكيلي تعالى يا نور عينى أنا بحاول أنام علشان تجيلي تحكيلي، بس مش عارفة يا حبيبي خالص أصل صورتك في عيني فمش عايزة تسيبك خالص وتغمض يا روحي ياللي أخدت روحي».
وأضافت: «بقيت خلاص جسد بلا روح يا روحي أنت دلوقتي ملكي أنا وبس، بتاعى أنا وبس يا حبيبي لأن أنا اللي اسمى مينفصلش عنك علشان أنا ‫بنت البطل».
ونشرت مروة صورة لأبيها ظهر خلالها وفقوه لوحة كُتب عليها لفظ الجلالة «الله»، وعلقت عليها: «ربنا حبيبه هو رئيسه اللي بيحبه وعلشان كده اختاره ومن غير حساب أصله النائب بطل شهيد نال أعلي الدرجات، وسبقنى علشان يجهز ليا الجنة علشان بيحبنى».
وكتبت: «قال أنا سبتك في الدنيا خلاص بقي إنتى كبرتى واسمك ملازمني، وتبقي زى قوية تسندى نفسك، إوعي تلجأي لحد غير اللي خالقك، وأنا رايح الجنة علشان أخدك معايا، ما هو إحنا يا حبيبتي مش هنفترق، وبعدين أنا سبتك وانتي مصر كلها بتقولك يا ‫بنت البطل»، وذلك في معرض تعليقها على صورة أبيها، التي نشرتها صفحة باسم المصور كريم فاروق إبراهيم على موقع «فيس بوك».
وكان الرئيس عبدالفتاح السيسي قد شارك في جنازة عسكرية ، أمس الثلاثاء، لتشييع جثمان المستشار هشام بركات، النائب العام، الذى استشهد إثر تفجير موكبه بمصر الجديدة في القاهرة، الاثنين.
وخرجت الجنازة العسكرية من مسجد المشير طنطاوى بالتجمع الخامس، وحضرها المستشار عدلي منصور، الرئيس السابق، رئيس المحكمة الدستورية العليا، والمهندس إبراهيم محلب، رئيس مجلس الوزراء، وعدد كبير من الوزراء وكبار رجال الدولة والقضاء وعدد من الشخصيات العامة.