مصرية مقيمة باليمن ساخرة: تأمين «باب المندب» أهم من عودتنا

أعربت أحدى المصريات المقيمات باليمن تدعى علياء جابر محمد عن اعتراضها من اجراءات الاجلاء التي تقوم بها وزارة الخارجية المصرية لرعاياها باليمن، مشيرة إلي أن أفواج البعثة المصرية تسير بأوتوبيسات في طرق بمسافة حوالي 700 كيلو متر داخل الأراضي اليمنية.
وقالت علياء في تدوينه ساخرة له على صفحتها بموقع التواصل الاجتماعي "فيس بوك" : "أنا عايشه .. أنا كويسه .. أنا تمام ..كل الموضوع بس ان انا فى بلد فيها حرب .. عادى يعنى.. قاعدة فى مكان فيه تفجيرات فى كل حتة و عايشة مع ناس بيقتلوا بعض علشان حرب شمال و جنوب". وأوضحت علياء أن الفندق التي تعمل به باليمن يتعرض بشكل دائم لهجمات من قبل مسلحين، وقالت: "كل يومين كدا ييجى ناس مسلحين يهجموا على الاوتيل .. ف الناس اللى قاعدين هنا اللى برضه مسلحين يشتبكوا معاهم، بس متخافوش عليا .. انا صغيره و بستخبى عادى"، مضيفة "و كمان بما ان هنا كل الناس معاها سلاح ألى و ار بى جى .. ف هما الحمد لله بيعلمونى اشيل سلاح برضه زى مانتوا شايفين"، مرفقة صورة له بالتدوينه وهي تحمل سلاحا إليا.
وأشارت إلي أن محطة الكهرباء المسئولة عن توليد الطاقة بالمدينة تم قصفها، مشيرة إلي أن جزء كبير من المدينة تعيش بدون كهرباء وأن الفندق يعمل ب"مولد الطواريء". وأضافت أنها لم تستطع العودة إلي مصر بسبب تدمير وإغلاق المطار الجوي بالمدينة منذ 9 أيام، مضيفة أن الخارجية المصرية تنصح المصريين بالذهاب بريا لسلطنة عمان أو السعودية وبشكل فردي، وقالت: "الوزاره بتقول ان احنا نروح عمان أو السعوديه ( أيوه نروح لوحدنا).. يعنى نمشى طريق 700 كيلو على الأقل جوا اليمن .. اللى هو تقابل و انت ماشى عصابات مسلحة على شوية حوثيين و ايرانيين على تنظيم قاعده و داعش (وطبعا ماقولش ان انا مصريه علشان هتقتل) .. دا غير بقى قوات التحالف اللى بتضرب من فوق .. بس انا عارفة ان هما هيحسوا ان فى مصرية معديه تحت و مش هيضربوا فى الوقت اللى بعدى فيه .. و انشاء الله نوصل". وأشارت إلي أن كل الدول قد اجلت رعاياه من اليمن من خلال البحر، موضحة أن السعودية وباكستان والهند وتركيا والصين قد أرسلوا قواتهم البحرية لإجلاء رعاياهم
وقالت علياء: "احنا بقى كمصر اللى هو الناحيه التانيه من بلكونه البحر الاحمر لسه مبعتناش، و أصلا اساسا احنا البحرية بتاعتنا كدا كدا موجوده هنا فى البحر قدامنا .. بس مش علشان ترجعنا مصر حضرتك .. دى علشان تأمن مضيق باب المندب علشان باب المندب مهم .. ايوه باب المندب مهم ..المهم ان طالما مضيق باب المندب كويس و بخير..يبقى انا عايشه .. أنا كويسه .. انا تمام".