بالفيديو.. القرموطي لوزير الداخلية: «قفانا ورم يا أفندم»

شن الإعلامي جابر القرموطي، هجوما عنيفا على ضباط الشرطة المتهمين فى واقعة قتل المحامي كريم حمدي، داخل قسم المطرية، إثر تعدي ضابطين بالأمن الوطني عليه بالضرب المبرح أثناء استجوابه.
وقال القرموطي، فى تعليقه الواقعة خلال برنامجه "مانشيت"، اليوم الخميس، المُذاع عبر فضائية "أون تي في"، متسائلًا: "ليه؟ إنتوا بتضربوا في مين؟ إنتوا أمننا يا فندم، إنتوا حراسنا يا فندم، الأمن في بلدنا تاج راسنا، ليه نوصل لكده؟ ده حتة قسم شرطة معفن صحيح، قولنا مائة مرة خلوا بالكم من القسم ده، هو وغيره، وإنتوا عارفين، مش بتشوفوا الأقسام دي ليه؟ وسايبينها ليه؟".
ووجه القرموطي رسالة لوزير الداخلية والمسئولين عن الجهاز الأمني قائلا: "العقيد ولا اللواء المسئول، حتى لو الوزير نفسه، لازم يتحاسب، لازم تكون صفحتكم بيضة، بكل شفافية، بعض الضباط بيتعاملوا مع المواطنين داخل أقسام الشرطة بطريقة لا تليق، قائلا: "قفانا ورم يا افندم.. قفانا ورم"، لافتا بقوله: "إحنا منتظرين إن العدل يا خد مجراه، ولا أعتقد أن ما حدث في أي حد يوافق عليه".