استحالة البلاستيك يبقى زى الحقيقي".. عمر كمال يعلق على أزمة أغنية أم كلثوم بالذكاء الاصطناعي

حرص المطرب عمر كمال، على توضيح موقفه من أغاني الذكاء الإصطناعي، عقب الجدل المثار حول تقديم الملحن عمرو مصطفى أغنية لكوكب أم كلثوم باستخدام التقنية
عمر، عبر صفحته في موقع فيسبوك، وكتب: "طب لو افترضنا أن فيه برنامج عرف يجيب صوت أم كلثوم مثلا، وده مش هيحصل أصلا لان ده صوت نازل بالجودة بتاعته من السما ملهوش بديل.. هتجيب إحساسها منين ووجعها وهيا بتقول (وعايزنا نرجع زى زمان قول للزمان إرجع يا زمان)".
وتابع: "هتجيب منين الشموخ والكبرياء اللي ف صوتها وهيا بتقول (بدى اشكيلك من نار حبي بدي أحكيلك ع اللي ف قلبي وأقولك ع اللي سهرني وأقولك ع اللي بكاني، وأصورلك ضنا روحي وعزة نفسي منعاني)، صوت الإنسان عبارة عن إحساسه وتجارب حياته التي عاشها كل ده بيصنع صوته وملامح صوته، استحالة اى حد مش برنامج بس يعرف يجيب احساس حد أو حتى عوربة حزن او احساس، جملة قالها الصوت الحقيقي".
عمر، أضاف: "الذكاء الاصطناعى حلو جدا للموزعين والملحنين هيخليهم يبيعوا شغل كتير بجد، لأنه ممكن يبعت للمطرب أو المطربة أغنية خلصانة كلام ولحن وتوزيع متغني بالذكاء الاصطناعي، بصوت بلاستيك قريب من صوته، فالمطرب هيشوف نفسه ف الموضوع علطول وهيعرف إن الاأغنية بتاعته ولايقه عليه جدا، وبدال ما يقول للموزع أو الملحن سبني كام يوم اشوف فيها نفسي اجرب صوتي عليها، هيقوله الاغنية بتاعتى على طول لانه شاف نفسه فيها .. لكن ان الذكاء الاصطناعى يعمل نجم استحالة البلاستيك يبقى زى الحقيقى".
الملحن عمرو مصطفى، أثار جدلا واسعا، عقب طرحه مقطع من الأغنية عبر حساباته الرسمية على مواقع التواصل الاجتماعي، وكتب،: على مدار 24 سنة قدمت عديد من الألحان لنجوم الوطن العربي.. ومؤخرًا مع تطور التكنولوجيا والذكاء الاصطناعي.. حبيت أسمع لو كوكب الشرق السيدة أم كلثوم غنت من ألحان عمرو مصطفى هيكون إيه الناتج.. تعالو نسمع سوا صوت كوكب الشرق أم كلثوم من ألحان عمرو مصطفى وقريبا هتسمعوا الأغنية كاملة".