"إحنا بنتلكك ولا إيه؟".. شهيرة تعلق على الانتقادات التي طالت شيرين بعد حفل دبي

علقت الفنانة شهيرة على الإنتقادات الموجهه للفنانة شيرين عبدالوهاب بعد سقوطها خلال حفلها الأخير بدبي
ونشرت الفنانة شهيرة عبر صفحتها على موقع " فيسبوك" صورا للفنانة شيرين عبدالوهاب من الحفل وكتبت: "شوفوا بقى أنا عمري ما اتكلمت في أي وقت عن أزمة شيرين لأنها حاجة شخصية وندعيلها وخلاص ربنا يخرجها منها على خير".
وتابعت: "لكن اضطريت أتحشر لأن اللي بيحصل ده كتير كلنا عارفين أزمتها والست بتحاول وتجاهد إن تخرج منها بأنها بتسترد نفسها وفنها وتاريخها الجميل اللي طالما أسعدتنا بيه، فلا نقسوا عليها ولا نكسرها لمجرد أنها وقعت على المسرح زيها زي كتير ونجيب القديم والجديد إيه يعني ؟ بنتلكك ولا إيه ؟".
وأضافت: " شيرين في النهاية إنسان يخطئ ويصيب وشيرين زي مانتوا عارفين من المطربات السوبر اللي يتعدوا على أصابع اليد الواحدة ولا نريد أن نخسرها هي تحتاج لجمهورها اللي بيحبها لا تحبطوها هي تريد المساندة وبتقولكم أنا رجعت أهو لحضنكم فلنمد لها يد الحب والعطاء فقد أعطتنا سنين طوال أمتعتنا فيها بفنها فلا نبخل عليها بيد الإحتواء والمساندة على فكرة عمري ماتقابلت أنا وشيرين شخصيا ولكنها مشاعر"
وكانت تعرضت شيرين عبد الوهاب لموقف أثناء إحيائها حفل دبي الأخير، حيث سقطت على المسرح أثناء غنائها، ومن ثم انفعلت على المنظمين بسبب تعثرها في السماعات الضخمة الموجودة أعلى المسرح