"أهمها عدم ترك الرقص والخيانة".. الراقصة دينا: أضع شروطي قبل الموافقة على الزواج

قالت الفنانة والراقصة الاستعراضية دينا، إنها كانت تشترط على أزواجها شرطين وهما عدم تركها للرقص وأن لايخونها أبدًا.
وأضافت "دينا"، في لقائها ببرنامج "كلمة أخيرة"، المذاع عبر فضائية "اون إي"، مساء الأحد، قائلة: "أنا كنت بقول لهم لن أترك الرقص وكنت بقول لو فكرت تبص على حد غيري ما تعملش كده تعالي قولي وانا همشي، أنا أتخنت كتير بسبب طبيعة شغلي المستمر لساعات لحد 6 الصبح".
وتابعت: "كنت بعرف لوحدي انا بتخان لكني لا أواجه بمشي خاصة إن الزيجات مكنش فيها ولاد ولو كان فيها أولاد ممكن نديله فرصة لكن طالما مفيش أولاد هتناقش ليه امشي وخلاص".
وأكدت أنها سريعة في اتخاذ القرارات ولا تندم، مضيفة: "أنا سريعة جداً في اتخاذ القرار ولا أندم لأن القرار يأتي بعد اسحتمال كبير جداً يؤدي لاستنزاف الطاقة ، وقتها باخد القرار في الحال".
وأكملت: "أكثر الصفات التي لا يمكن أن أتحملها في رجل بعد الخيانة هي صفة البخل، مش بستحمل أشوف راجل بخيل، أنا ست بيت شاطرة وبوفر ومش بجيب طباخ ومش باكل من إيد حد غير من إيدي، وأنا لوحدي وعلي مسافر للدراسة الجامعية في باريس".
وكشفت أن نجلها يدرس الطبخ في باريس، مرادفة: "عاوز يبقى طباخ وانا معجبة بالجيل الجديد أنه بيخترق مجالات مختلفة ومتطورة وفيها إبداع".
وعن الرقاصات الأجانب، قالت: "أنا اللي جبت أوكسانا من روسيا.. والراقصات الأجانب لما نزلوا اشتغلوا بقوا وحشين عشان جريوا وراء الزبون عايز إيه".