"قصة 28 ساندوتش كبدة وساعاته الأخيرة".. حكايات علاء ولي الدين في ذكرى وفاته ال 20

تحل اليوم الذكرى ال 20 لوفاة الفنان الكوميدي الكبير علاء ولي الدين، الذي رحل في 11 فبراير 2003.
وفي هذا التقرير نعرض لكم حكايات الراحل علاء ولي الدين:
- ولد علاء ولي الدين في 11 أغسطس عام 1963، في القاهرة.
- عمل كمساعد للمخرج نور الدمرداش لمدة 4 أعوام، اكتسب خلالها خبرة جيدة.
- عام 1999 رشحه المخرج شريف عرفة لبطولة فيلم "عبود على الحدود" وحقق الفيلم نجاحا كبيرا.
- بدأ بأدوار صغيرة في العديد من الأعمال منها: "آيس كريم في جليم"، "الإرهاب والكباب"، "المنسي"، "النوم فى العسل".
- على الرغم من مشواره الفني القصير إلا أنه شارك في 23 فيلما بأدوار ثانوية وقدم 3 أفلام و3 مسرحيات كبطل مطلق، وفي التليفزيون تألق في 9 أعمال درامية منها "الدنيا حظوظ، علي الزيبق، أنت عامل إيه".
- وقال الفنان علاء مرسي خلال حوار له مع الإعلامي عمرو الليثي ببرنامج "واحد من الناس" عبر فضائية "النهار" (سبتمبر 2019): "علاء كان حاسس إنه هيموت، ولما روحت أعمل عمرة قبل وفاته طلب مني اشتريله مسك أحمر بكميات كبيرة، ورغم إني مكنش معايا فلوس ألّح عليّا أجيبله أكبر كمية ممكنة".
- وأضاف: "هو كان في البرازيل في أواخر أيامه بيصور فيلم (عربي تعريفة)، اتصل بيّا مرة وقالي: أنت قاعد فين؟ قولتله: على قهوة في فيصل، قالي: قوم من على القهوة دي بسرعة وروح كده وصلي ركعتين وقول: (وحل عقود العسر وفرِج أمرنا) 100 مرة عشان ربنا يكرمك، حس إني في مشكلة وقولتها وربنا فرجها".
- تابع علاء مرسي: "ليلة العيد أول ما رجع كلمني قالي تعالى نفطر مع بعض الصبح أو تعالالي المسرح بالليل، قولتله خلاص هجيلك بعد الضهر وبعدين نروح المسرح مع بعض، يوم العيد دخلت أنا نمت شوية بعد الصلاة، أختي صحتني وقالتلي: أشرف عبدالباقي بيتصل بيك كتير، قبل ما أرد كنت متخيل إن أشرف هيعيّد عليّا، كلمته قالي كلمة واحدة: علاء ولي الدين مات، وراح قافل السكة".
- استكمل: "كنت وقتها لابس جلابية بيضا، نزلت جري في الشارع وأنا مش فاهم أنا رايح فين، أخويا لحقني ركبني وروحتلهم، فضلت بالجلابية البيضاء وحافي طول اليوم ولحد بالليل معتز أخوه جابلي لبس وشبشب، وفضلت قاعد مش عارف أفهم إيه اللي حصل، دخلتله مغسلة الموتى وكلمته، قولتله: أنت بجد خلاص كده ولا إيه الموضوع أنا مش فاهم، وبعدين ارتجفت وسكت لحد لحظة وهما بينزلوه المدفن اللي اشتراه قبلها وأنا كنت معاه، في لحظة دخوله القبر أنا انهرت، وأنا إلى الآن لما بروحله وبفتكره بحس إني محتاج له جدا، وكذلك أشرف عبدالباقي لحد دلوقتي صوته مش أشرف بتاع زمان، وهنيدي نفس الحالة، إحنا فقدنا أبونا وبركتنا".
- كما كشف الفنان علاء مرسي، في حواره ببرنامج "الجمعة في مصر" عبر فضائية "MBC عن علاقته بالفنان الراحل علاء ولي الدين، مؤكدًا: "وفاة علاء ولي الدين كسرتني، ورحيله يوم العيد أحزن كل بيت في مصر" .
وقال مرسي "علاء ولي الدين كان بياكلني 28 ساندوتش كبدة، مرة ركبنا أتوبيس وهو وقع، وكان لازم أقومه ولكن جاتلى هيستيريا ضحك والناس اتفرجت علينا".
يذكر أن أثناء تصوير فيلم "عربي تعريفة" رحل الفنان الكوميدي علاء ولي الدين في 11 فبراير 2003، إثر إصابته بغيبوبة سكر وارتفاع في ضغط الدم.