حسام حبيب: "أنا أبتز من شيرين عبد الوهاب علشان أسمع الكلام"

قال الفنان حسام حبيب، إن طليقته الفنانة شيرين عبد الوهاب تهدده وتبتزه من أجل أن يطيعها.
وأضاف حسام، خلال لقائه في برنامج "et بالعربي": "أنا أبتز عشان خاطر أسمع الكلام ولو مسمعتش الكلام هيحصل فيا كده، بتهدد دايما بجمهورها أني هي هتعمل فيا كده، وهي فعلا بتحاول تعمل كده".
وكانت الفنانة شيرين عبد الوهاب صرحت بعدة تصريحات جريئة عن ما حدث بينها وبين الفنان حسام حبيب طوال فترة زواجهما.
وقالت الفنانة شيرين عبد الوهاب، خلال مداخلة هاتفية في برنامج "كلمة أخيرة"، الذي تقدمه الإعلامية لميس الحديدي: "اتهمني إني تخنت وبقيت شبه أمي، وقالي أنا عاوز واحدة اتباهى بيها قدام الناس تبقى حلوة ورفيعة ومش عارف إيه، ده غير الخناقات اللي كان فيها ضرب وسحل على الأرض وشتيمة عمري ما إنسانة تقبلها على نفسها".
وأضافت: "رجعت تاني نقولنا ندي فرصة تاني بس بشروط يكون فيه بيت تاني غير بيت، بيت الزوجية وإن بناتي مش هيتعرضوا لأي مشاكل نفسية، وحياتنا تبقى لوحدنا ونشتغل، أنا عندي البيت كبير، وحسام قبل ما نتزوج كان قاعد عندي في البيت كان بيزورنا كتير، وأنا عندي تحت استديو اللي بنخلص فيه شغلنا، فهو كان بيتردد على البيت عشان إحنا عندنا شغل، وكنت بحاول أؤهل البنات إن هو خلاص ممشيش من حياتنا، إن هو لسه موجود وبيخلي باله مننا لحد ما بدأت تاني الوعود تختفي وتتلاشى".
وتابعت: "المشاكل رجعت تاني من غير سبب، أنا عندي مشكلة في شخصيتي، عندي حد لو وصلتله أنا ممكن أذي نفسي مش أذي حد تاني، وتقدروا تسألوا الدكتور بتاعي، ونصحه أن في اللحظة دي إن يتعزل ويسبني ربع ساعة يا هي تدخل الأوضة تقفل على نفسها وتسيبها لحد ما تهدى، فكان كل خناقة تحصل يفضل قدامي ويحرق في دمي لحد ما أمسك المكنة وأحلق شعري ويشتمني".
وأكملت: "هو أنا فوق أنا كنت فوق أوي والحمد ما زلت، ومعرفش يطلعلي وهو حاول ينزلني ليه تحت، أنا اللي شايفاه ده تحليلي للي حصل".
View this post on Instagram
A post shared by ET بالعربي (@etbilarabi)