أول تعليق من أمير كرارة على تصريحات محمد نجاتي

علق الفنان أمير كرارة على تصريحات الفنان محمد نجاتي الأخيرة.
وأعاد أمير كرارة نشر مقطع الفيديو، الذي نشره محمد نجاتي، عبر حسابه الشخصي بموقع "فيسبوك".
وكتب كرارة: "يا حبيبي إنت نجم كبير وعلى دماغنا كلنا، ربنا يكرمك ويزيدك ويرزقك ويجمعنا مع بعض في عمل واحد وشرف ليا".
وشارك الفنان محمد نجاتي، جمهوره ومتابعيه، مقطع فيديو يكشف فيه عن اضطراره للمشاركة في أعمال فنية لا يرضى عنها، كما أعلن عن استعداده للاعتزال، وذلك عبر صفحته الخاصة بموقع "فيسبوك".
وقال نجاتي في الفيديو: "عاوز أقول إني ماكانش ليا دخل في ترشيحي لمسلسل (محمود المصري) مع أستاذ محمود عبد العزيز، الترشيح جاء من خلال الدكتور مدحت العدل وهو حي يرزق يُسئل في ده".
وأضاف: "أما بقي بالنسبة للبوست اللي اتقال فيه شوف دلوقتي أمير كرارة فين ومحمد نجاتي فين؟ طبعا أمير كرارة نجم كبير وهو ما وصلش للي فيه دلوقتي إلا نتيجة تعب وجهد وعرق، قدر إنه يوصل لحب الناس وقاعدة كبيرة جدا من الجمهور، لكن دي حاجة مش بإيديا، دي حاجة خارجة عن إرادتي"
تابع: "أنا راجل ممثل وبشتغل الحاجات اللي بلاقيها كويسة ومناسبة، ممكن تكون مش أعمال بتاخد بروباجاندا كبيرة زي ما فنانين كتير بيشاركوا في أعمال أنا أتمنى أكون في الحاجات المهمة دي، لكن غصب عني أنا مضطر أاشتغل حاجات علشان أكمل بقيت حياتي لأن عندي التزامات، وعندي حاجة تخليني مش مبسوط أوي".
واختتم: "وأحيانا بضطر أقبل حاجات مش راضي عنها علشان أقدر أكمل حياتي، وإذا كانت الوضعية دي مضايقة ناس أو بعض الصحفيين على فكرة أنا ممكن أعتزل وأريحكم كلكم مني وتبقى نهاية الحكاية".