ميار الببلاوي :"ربنا نجاني وكنت بين الحياة والموت في أمريكا"

كشفت الفنانة والإعلامية ميار الببلاوي إنها كانت بين الحياة والموت خلال فترة علاجها في أمريكا.
ووجهت ميار رسالة لجمهورها، عبر حسابها بموقع "فيسبوك"، وعلقت :" بجد هو أنا أوفر لما بجري عليكم لما يحصلي حاجه لما ببقى زعلانه أو فرحانة او تعبانة مانا بحبكم أوي من غير ما اشوفكم ودعائكم بيفرق معايا دا بفضل دعاء أمي، ودعائكم ربنا نجاني وأنا بين الحياة والموت في أمريكا".
وأضافت :" انتو بتهونوا عليا وحدتي وبطبطوا على قلبي مدفية بيكم حتى لو بينا عالم افتراضي مش هزعل قولولي لوأنا أوفر وانتو بتزهقوا مني لأن المسج دي خوفتني الصراحة، صباحكم رزق وهنا وكلنا على باب الله".
وكان متابع للفنانة والإعلامية ميار الببلاوي هاجمها بعد أن أعلنت أمس عن كسر شاشة هاتفها المحمول.
وكتبت ميار، عبر حسابها الشخصي بموقع "فيسبوك"، :"معلش يا جماعة موبايلي جاب شاشة الحمد لله على كل شيء وحاولت أنقل الداتا من صور وفيديوهات بس قدر الله وما شاء فعل اللي هيتواصل معايا، ولو حد يعرف شاشة السامسونج "الفيليبو" اللي بيتفتح دا بكام ياريت يقولي بس براحه عليا ونبي قلبي مش مستحمل بس بقول فدا ابني، أنا أصلا أعصابي تعبانة من خضتي عليه وقله النوم طار من إيدي وقع على البورسلين محطش منطق".
ورد المتابع على منشور ميار، :"يا دكتورة هي كميا حوار شاشة من مستهلة كل بوستات دي احنا أرزقيه وعلى باب الله، ولو معانا بنصلح مش معانا بنمشي نفسنا لحد ما ربنا يفرجها".
وردت ميار على تعليق المتابع :"منا مش في الضمان، طيب أنت حر وأنا كمان أرزقية، إش عرفك إني معايا ثمن تصليحها دلؤتي وبعدين أنا ست أوفر مش عاجب حضرتك متابعنيش يا فندم".