"بعد عضة الكلب".. رحمة حسن: لسه تعبانة وخايفة ألعب مع قطتي

كشفت الفنانة رحمة حسن عن معاناتها التي لا تزال مستمرة بعدما أن عقرها كلب منذ أيام، بجانب خوفها على قطتها التي لن تقترب منها حتى تنتهي من فترة العلاج
وعلقت رحمة حسن عبر صفحتها الخاصة بموقع تبادل الصور "انستجرام": " أنا حقيقي تعبانة ومتأزمة جدا.. و كوابيس و مش عارفة حتى أقرب من القطة بتاعتي وألعب معاها لأني خايفة عليها لحد ما أخلص العلاج .. النهاردة أخدت الجرعة التانية ولسه هكمل طبعا ده غير وجع الجرح حقيقي"
وتابع: "اللي عوزة أقوله إن فعلا لو بعد شهر ما حصلش حاجه تخص الكلب وعلاجه وتغير سلوكه وعدم نزوله بدون كمامة، أنا هروح أخد موقف قانوني لإني فعلا تعبانة جسديا ونفسيا جدا جدا، وخايفة جدا يحصل ده لحد تاني و كون أنا السبب إني ماخدتش موقف".
وكشفت الفنانة الشابة رحمة عن تعرضها لحادث بعد قيام كلب ضخم بالهجوم عليها وعضها، وأوضحت رحمة عبر "انستجرام": "إمبارح الساعة 11 بليل كنت نازلة أجيب حاجة من السوبر ماركت جمب البيت، كنت ماشية علي الرصيف وكان في عربيه بتركن جمبي عادي، فجأه الباب اتفتح ولقيت كلب جيرمن شيبرد بيهجم عليه بكل قوته".
وتابعت: "طبعا حاولت أجري لكن للأسف الكلب كان قوي وشرس ووقعني على الأرض، حاولت أقوم وأجري وصاحبته حاولت تشده، بس فك الليش بتاعه وعضني عضه كبيرة وغويطه بنابه في منطقة حساسة".
وأضافت: "صاحبة الكلب كتر خيرها اخذتني فورا علي مستشفي إمبابة، أدوني حقنه تطعيم الكلب ولسه فاضل لي 4 هاخدهم خلال شهر، بس المشكله أن من امبارح الجرح بينزف دم كتير، وأنا طبعا خايفه ومصدومة وتعبانة وعندي تروما من امبارح والي واجعني أكتر أني مَش عارفه اتصرف إزاي، خصوصا أني أكيد مَش عايزه الكلب يتاذي، بس كمان مَش عايزه أي إنسان كمان يتاذي ويتعض ويتبهدل في الشارع زيي".
وأكدت رحمة حسن أنها اعتادت رؤية صاحبة الكلب وهي تنزهه، وكنت تتجنبه، قائلة: "أنا كنت بشوف الكلب ده دائما مع صاحبته بتمشي بيه في الشارع جمب البيت عندي، وعشان شكله شرس كنت بامشي بعيد عنه لما بشوفه، امبارح صاحبة الكلب قالت لي متخافيش هو عض ولادي قبل كدا وتمام محصلش حاجة".
واستكملت: "طبعا أنا اتصدمت لما عرفت أنها مَش أول مره الكلب يعض حد ومع ذلك هي سايباه عادي في الشارع من غير كمامة أو حد قوي يمسكه، بجد حرام عليكم، الكلب لما بيكون حجمه كبير وشرس بيعتبر سلاح، وصاحبه مسؤل مسؤلية كاملة عنه ويحاسب علي إهمال مسؤليته، خصوصا لو إهماله تسبب لشخص تاني في أذى بدني يحتاج أكتر من 21 يوم علاج وأذى نفسي ماعرفش هايحتاج قد أيه عشان يخف".
واستطردت: "أنا كنت بحب أنزل أحط أكل ومياه للكلاب والقطط تحت البيت، دلوقتي أنا حقيقي مرعوبة أقرب منهم وخايفة جدا".
واختتمت قائلة: "أنا أسفة طولت عليكم بس أنا بجد مَش عارفه المفروض أعمل إيه عشان محدش تاني يتأذي".
View this post on Instagram
A post shared by Ru (@realrahmahassan)