الاختيار 3.. السيسي ل"مرسي": يا ريت ملكش دعوة بجماعة الإخوان.. والأخير: مش هيسيبوني

شهدت الحلقة 23 من مسلسل الاحتيار 3، عقد اجتماعا بين الرئيس المعزول محمد مرسي (صبري فواز)، والفريق أول عبد الفتاح السيسي (ياسر جلال)، واللواء محمد العصار.
وخلال "الاختيار 3 الحلقة 23"؛ يتحدث السيسي والعصار مع مرسي حول التحديات الراهنة وفي مقدمتها التحدي الاقتصادي نتيجة حالة الفوضى والثورة لأكثر من عام ونصف.
ويقدم السيسي لمرسي مقترحاته، قائلا: "التصالح مع كل القوى الوطنية، وتكوين لجنة لمعالجة التحديات، وكمان الحفاظ على مؤسسات الدولة وعدم السماح بالتدخل في شئونها وخصوصا من مكتب الإرشاد، لازم المسئولية تكون مسئولية الرئاسة فقط، أنا طبعا عارف إن الكلام اللي بقوله ده ضد فكر وعقيدة الإخوان والتنظيم الدولي، بس لازم نشوف حل للموضوع ده، وكمان لازم يكون في دعم لقدرة الأجهزة الأمنية لمواجهة الفكر الهدام المتطرف، وتكوين قواعد بيانات لكل الفصائل التي تتبنى هذا الفكر، وأهم حاجة هي المصارحة المستمرة للرأي العام، والتعامل مع الرأي العام على أنه كتلة واحدة".
يضيف: "سيادة الرئيس اسمحلي أقول لحضرتك إن حجم التحديات ضخم جدا، مخيف، والجماعة مش هتقدر تتعامل معاه، حالة التظاهر سنة ونصف وجابت اللي فضل من البلد على الأرض، ده غير تراجع الاحتياطي في البنك المركزي لأقل حجم في تاريخه، وكمان الفاتورة الباهظة للمواد البترولية والدعم، تفتكر حضرتك إن الجماعة هتقدر تتعامل مع كل المسائل دي؟".
يتابع السيسي: "وبعدين يا فندم أنا عايز أقول حاجة.. البلد بتدار برئيسين، حضرتك هنا في الاتحادية، وهناك في مكتب الإرشاد، لا يمكن يكون هو ده المسار الصحيح لمواجهة التحديات اللي بتكلم عليها دي.. أنا عندي اقتراح ممكن يخرجنا من الأزمة دي.. يا ريت يا فندم ملكش دعوة بالجماعة، مش قصدي يا فندم إن حضرتك تعاديهم، لأ لأ لأ، يعني بقول نحط النقط على الحروف، مكتب الإرشاد في مكانه، والرئيس بيدير الدولة".
يرد مرسي: "سيادة الفريق أنت متخيل لو أنا انفردت بالحكم وهمشت جماعة الإخوان المسلمين هما هيسيبونا، ولا هيسيبوا ولادي، دي دونها الرقاب".
يختتم السيسي: "بالمناسبة يا فندم، أحب أقول لحضرتك إن الجيش مع حضرتك مش مع جماعة الإخوان المسلمين، وحضرتك عارف كويس أوي يعني إيه الجيش يبقى داعم للرئيس، طالما الشعب راضي".
مسلسل "الاختيار 3" بطولة: كريم عبدالعزيز، أحمد عز، ياسر جلال، أحمد السقا، صبري فواز، خالد الصاوي، عبدالعزيز مخيون، جمال سليمان، محمد رياض، منذر رياحنة، هيدي كرم، هشام إسماعيل، أمير المصري، وإيمان العاصي وغيرهم، ومن تأليف هاني سرحان، وإخراج بيتر ميمي.