فيديو| السبكي يوضح سبب وضع اسمه في أغاني أفلامه وإنتاجه أفلام "رقصات"

كشف المنتج أحمد السبكي عن سبب وضع اسمه في بعض الأغاني بالأفلام التي ينتجها.
وقال خلال حواره في برنامج شيخ الحارة والجريئة، على قناة القاهرة والناس: "محمود الليثي بيتفائل لما بيحط اسمي في الأغاني، والأغاني دي عرفت الناس بأحمد السبكي".
"الأغاني دي عرفت الناس بيا" .. أحمد السبكي يكشف سبب ذكر اسمه في أغاني أفلامه#شيخ_الحارة_والجريئة#ايناس_الدغيدي#القاهرة_والناس#رمضان2020 pic.twitter.com/P8rqVBoC0J
— القاهرة والناس (@alkaherawalnas) May 2, 2020
وعن كونه منتج أفلام يكسب من الرقصات، قال: "كان الأول الأفلام دي بتكسب، ودي أفلام بعملها لجمهور وسط البلد".
وأضاف: "ده فيلم لازم يتعرض في العيد وبتشتغل أسبوع العيد بس، وبتغطي فلوسها لأنها بتتعمل في 10 ولا 12 يوم بالكتير".
وتابع: "ما إحنا عملنا كباريه والفرح برضه، وفي منتجين بيحاولوا يعملوا الأفلام دي وبيفشلوا".
واستطرد: "دي أفلام كأنها فرح شعبي، أنا عندي 80 فيلم منها الرجل التالت وعيون الصقر وواحد صحيح، وماعنديش أفلام مقاولات ولا بلطجة".
وتساءل: "اشمعنى عبده موتة يتهاجم وإبراهيم الأبيض لا ولا عشان ده مروان حامد وده إسماعيل فاروق".