10 معلومات عن المتهم بقتل شاب ''كافيه مصر الجديدة''

قررت نيابة مصر الجديدة، برئاسة المستشار أحمد يوسف، حبس "عمر.م"، 4 أيام على ذمة التحقيقات؛ لاتهامه بقتل الشاب محمود بيومي داخل كافيه شهير بمنطقة القاهرة الجديدة.
وكشفت تحريات مباحث القاهرة، عن كافة التفاصيل التي تتعلق بالمتهم الرئيسي بالواقعة التي أثارت حالة من غضب الشارع المصري.
الاسم: "عمرو. م. أ"
الشهرة: فزاع
السن 30 عاما
المؤهل: حاصل على ثانوية عامة
محل الإقامة: منطقة الشرابية بمحافظة القاهرة
المهنة: كابتن أوردر بكافيه "كييف" بشارع النزهة
الصحيفة الجنائية: مطلوب ضبطه وإحضاره في 5 قضايا (شيكات بدون رصيد)
مكان الضبط: شقة شقيقه بمدينة السلام
قرار النيابة العامة: حبس 4 أيام على ذمة التحقيقات
الاتهام: القتل العمد
وأمام ضباط المباحث، أدلى المتهم باعترافات تفصيلية بجريمته قائلا "ذهبت للشغل عادي وكان فيه ماتش مصر ومش فاكر مين، وكنت شغال في الدور الأول، وبلغوني أن فيه مشكلة في الدور الثاني في الكافية فطلعت علشان أشوف المشكلة لقيت زباين بيتخانقوا علشان الحساب".
وأضاف المتهم: "الخناقة اتطورت بين الزباين وعمال الكافية ونزلوا الدور الأرضي وحاولت أحجز بين الطرفين، وأخدت واحد من الشباب وأخدته برة الكافية راح ضربني بالبونية علشان أفتكرني بتخانق معاه، فراح اتنين من اصحابه مسكوا فيا شديت الحزام وبدأت اضرب فيهم".
وتابع: "واحد ضربني بالشنطة في وشي، والتاني ضربني بالقدم في بطني، فأنا كان معايا الفتاحة دي طلعتها وضربت واحد بيها، ودخلت على المطعم جوه تاني".
فسأله المحقق "مشيت إزاي؟"، فرد المتهم: "مشيت عادي من المطعم"، وسأله المحقق مرة أخرى "اتقبض عيك ازاي"، فرد مرة أخرى "كنت رحت بيتنا امبارح والنهاردة أخدت أمي طلعت عند أخويا في السلام والشرطة قبضت علي من البيت".