بالفيديو..عمرو أديب باكياً: ''أنا زعلان من الريس''

بكى الإعلامي عمرو أديب على الهواء خلال تقديمه لبرنامج ''القاهرة اليوم'' المذاع على فضائية ''اليوم''، السبت، على أحداث تفجيرات الشيخ زويد بشمال سيناء.
وقال باكياً: ''أنا زعلان من الريس، علشان هو ميعرفش المصريين، النهاردة الريس كان بيقول إنه أوعوا حد يدخل بيننا.. حد يدخل بينا مين يا ريس؟ أنت نسيتنا ولا إيه؟ إحنا المصريين يا ريس''.
وتابع: ''احنا في النكسة 67 نزلنا قولنا للجيش كتفنا في كتفك لغاية ما عبر الجيش، أنت نستنا يا ريس ولا إيه؟ لما قولت لنا أن كله هايبقى تمام نزلنا مشينا الاخوان في 30 يونيو، إحنا مش بنتهز، ولما قولت لنا التفويض نزلنا في الشارع''.
واستطرد: ''أوعى تقلق من المصريين ياريس، احنا بنتوحد يا ريس، أنا كتفي في كتف كل ضابط جيش وشرطة، احنا واقفين جنب دولتنا يا ريس، أوعى إيمانك يهتز بالمصريين، إحنا مصر الذي قالت إن قدر الإله مماتي لا ترى الشرق يرفع الرأس بعدي''.
لمشاهدة الفيديو..اضغط هنا