''تويتر أكتوبر''.. حمدين: الإخوان ركبوا الحرب.. شفيق: اتقتلت 7 مرات

''أبو إسماعيل يطالب الشعب بالاستمرار في الحرب ويعتذر عشان عنده ميعاد‎''..''حد فاكر أنا ركنت طيارتي فين ؟؟''..''عايزين نعمل لجان شعبية عشان الإسرائيليين اللي هيهجموا على البيوت الليله دي''..''لإمتى سنظل نحتفل بالحرب وليس السلام!''..''حمدين صباحي يصرح : لا لأخونة الحرب''..''الإخوان ركبوا الحرب''..''بتويت بأيد وماسك أر بي جي في الأيد التانية''..''شفيق قتل واتقتل بتاع 7 مرات كده''..''أصلا العبور حرام''..''قيادي بالحزب الوطني المنحل: مش هما دول الشباب الطاهر بتوع حرب الاستنزاف''..''الناس اللي بتحارب دلوقتي دول ناس فاضية وهيدخلونا في حرب واستعمار و يخربوا البلد''.. امتلأ موقع التدوينات القصيرة ''تويتر''، بالعديد من التعليقات الساخرة في ذكرى حرب 6 أكتوبر، وأنشأوا هاشتاج تويتر_في_حرب_أكتوبر‏، وحاول مستخدمي ''تويتر'' في تعليقاتهم، الربط بين أحداث ثورة 25 يناير وبين ذكرى أكتوبر.

وقال ستيف نبيل: ''الاشتراكيون الثوريون يقاطعون حرب أكتوبر لعدم أهلية قيادات الجيش المخططه لها!''، في حين قال أحمد عبد الله ''عصام العريان: أمرت شباب الإخوان المسلمين يشكلوا درع بشري لسد الثغرة والليبرالين هما اللي عارضوا''، في إشارة إلى هجوم القيادي الإخواني على الليبراليين، وقيام شباب الإخوان المسلمين بتشكيل دروع بشرية لحماية مجلس الشعب في أولى جلساته.

وقال محمد أبو الخير ''جندي اسرائيلي للقائد: جدع يا باشا جبتها في عينه''، في إشارة إلى قناص العيون في أحداث ''محمد محمود''.

وتعليقًا على مواقف المطرب عمرو مصطفى من ثورة 25 يناير، قال جاميكا ''عمرو مصطفي: يعني إيه معني ادي ظهرك للترعه يعني متروحش عند قناة السويس!! أنا عارفك يا عدوي''.

وقال عمر الصافي: ''العساكر كلها طلعت خط بارليف، وأنا مش عارف استنوني يا جماعة''، وعلقت داليا حسن على مناشدات ''ماسبيرو'' للمصريين عدم النزول في أحداث الثورة قالت ''التليفزيون المصري يدعو جموع الشعب العظيم أن الحرب فاكس، وضرورة العوده إلى منازلهم''.

وأضاف هاني مبروك معلقا على التصريح المنسوب للواء منصور العيسوي، وزير الداخلية الأسبق، ''إحنا معندناس قناصة'' قائلاً: '' العيسوي في تصريح هام: إحنا معندناش ثغرات''.

‏وقال أحمد مجدي: ''الشاذلي: من البوب إلى شباب الجبهة ازدادنا بكم شبابا ... الله ينور يا رجالة قطار الحرب خلاص ساب المحطة''، في إشارة إلى تدوينات وجهها الدكتور محمد البرادعي، وكيل مؤسسي حزب الدستور.

كريم كيمو علق على تصريحات القيادي الإخواني صبحي صالح: ''الساعة 2 الظهر كنت قاعد بتغدى في القهوة، ولما سمعت خبر عبور القناة قولت كل المشاريب على حسابي''، قائلا: ''واحد فى القهوة قاعد جنب الراديو و أول ما عرف إننا عبرنا قال المشاريب كلها على حسابي، رغم إننا كنا في رمضان!!!''.