البساط احمدي قالولك خلي البساط احمدي ماتفهموني ياهل الحلال و النبي مالنا احنا ومال احمدي يضربونا و يبهدلونا و البساط احمدي يشتمونا و يمسخرونا و بردو البساط احمدي يعتقلونا و يقتلونا ياعم البساط احمدي جلدونا و عرونا و بميه النار كونا و ياسيدي احمدي طب تعالو نسال صاحب البساط لو يرضيه اللي بيحصل ف المعتقلات من السب و البهدله و هناك الدنيا سلطه بقا و خد علي هات و السجون مابتخلاش من الاهات و النوم علي البلاط و النبي ياعم ياصاحب البساط يرضيك ننسي اللي فات المصري دايما متهان عارفين ليه لانه بني ادم غلبان قولى رايك بقي ياصاحب البساط ننسي بقي اللي فات و نسيب حقنا اللي اتاخد غصب عننا و نضيع اللي نهبوه مننا جاوبنى ياصاحب البساط انا راضية بحكمك و رايك انسي بقي اللي فات و ارضي بالظلم و الاهات و لا اخد حقي و اكمل فرضي رد علي ياصاحب البساط