حب وكفى

الحب من غير فلسفة
أجمل عشان حب وكفى
في الكلمة دي سر الحياة
والأرض مش متجرفة
حتى ب كلام كل الغنا
ما تحسهاش متوصَّفة
من حق كل الناس تحب
الوردة ليه متقطفة؟
الحب واحد في القصور
هو اللي جنب الأرصفة
والحزن لما نشوف أصول
جوا القلوب متحرفة
الحب أكبر من جسد
شهوة مشاعر مؤسفة
حبيت ف بنت القلب روح
متزيِّنة ومتشرَّفة
بمعاني أطهر من مجرد
جسم فيه حضن ودفا
الحضن مش باللمس بس
عشان تضمك في الخفا
خبَّط ببان الحب شوف
تفتح حنان توهب شفا
هتلاقي نفسك قُلت حُب
وختمتها بقولة كفى
اقرا أيضا لمحمود مصطفى
دمعة بنوتة
كبرياء
قليل من الحب شرعاً يطبَّق
من قلب اسكندراني
آسف يا صاحبي
وإنت جاي