رسالة من مشجع أهلاوي لكل لاعب في فريقه

كتب - عبد الله رضا - أحد قراء ملعوبة
تخيلنا لو مشجع زملكاوي ومشجع أهلاوي هيبعت رسالة لكل لاعب في فريقه هيقول ايه... دي رسالة الزملكاوي
جدو : والله أنت لاعب أخلاقة عالية وبنحبك بس بطريقتك فى اللعب هتخلينا نغير فكرتنا عنك قالوا البدرى هوة السبب في المستوى اللى كنت ظهرت بيه وأدى كابتن زيزو كمان وبنفس المستوى (بصراحة عندى كلام تانى بس مش هاقولة لانى بحترمك كشخص مهذب)
أبو تريكة : مهما عملت هانفضل نحبك لأن لكل جواد كبوة وإحنا عارفين معدنك كويس
طلعت : فرس الرهان وإن شاء الله الحصان الأسود فى الماتش انهاردة بفضل سرعتك هتعمل دربكة لخط الدفاع الزملكاوى
بركوتة : ربنا ما يجعل حركاتك خفيفة عليهم وريهم أن الدهن فى العتاقى
شهاب وعاشور : المخ والعضلات يجتمعان فى خط منتصف النادى الأهلى شباب صغيرة وشوية وهايبقوا مالهمش حل أكتر ما هما فعلاً مالهمش حل وهما فايقين
جمعة : أسطورة من أساطير الدفاع المصرية والأهلوية خاصة
أنا بيعجبنى أسم الصخرة المشهور بية ولكا أنا بحل أطلق علية لقب السد لأنه يحطم أعظم وأقوى المهاجمين فى العالم بيبقوا أشبال بجوارة
رامى ربيعة : دة يتقال علية ولد لعيب كورة شوارع يعنى مالوش حل، تقيل فى لعبة وراسى ومش هايب الموقف بصراحة ربنا يحميك من عين الحساد
عبدالفضيل : نفسى أشوفك زى أول يوم لعبت فية جناح أيمن
معوض : ركب فى رجليك عجلات وشد حيلك شوية
شكرى وعفرتو : زى ما فى عفريت الأسفلت فية عفاريت الأهلى