فرَّقِت بينَّا الليالي

فرَّقِت بينَّا الليالي
وانسرق منَّا الحنين
كنتي حلم قريب وغالي
خطفِتُه مني السنين
كنتي جوا عيوني رسمة
كنتي بسمة
كنتي قصة و100 حكاية
كنتي آية
والزمن فرَّق ما بينَّا
رسم لنا نهاية الحكاية
والحكاية ماكنش ينفع
تنتهي بنفس النهاية
أصلها كانت حياتي
رسمة مرسومة في ملامحي
كنت أشوف بعنيَّا
لون ملامحها قمحي
كنت بسمع صوت كلامها
زي صوت الناي حزين
كنت بسمع قلبها
دقاته مليانين أنين
وبصوت حزين كانت تقول لي
بحبك إنت
يرد قلبي يقول لها فات الميعاد
وبقينا أبعد من البعاد
ما انا قلت لك تسبيني وحدي في دنيتي
متفكريش ولا لحظة واحدة في فرحتي
انسي وحياتك كمليها
من بعدي سهل تعيشي فيها
ويرد عنها قلبها
ويقول كلام صعب المعاني
من بعد حبك مستحيل
قلبي يدق لحد تاني
لكن خلاص
جرحك ده فاق كل الحدود
وفي بعدك أنت
دبلت خلاص كل الورود
وبقت نهاية حبنا
حلم اتولد علشان يموت