يوم ممل جدااااااااااا

بصحى الصبح أفتح عينيا
ألاقي الدنيا زى ماهىّ
زي كل الأيام اللي مرت عليا
ناس بتقول وناس بتعيد
وناس قاعدة تحكي في حواديت
حتى التلفزيون مافيهوش جديد
ناس بتموت وناس بتغني
وناس بتقول تيت تيت
أديها "سويتش أوف"
زهقت و مش طايقة نفسي
وخلاص على الدنيا هَتِف
كده خلاص مفيش تلفزيون
مفيش قدامي غير التليفون
ألو.. هاي
إزيك عاملة إيه؟
تعبت واتخنقت
ألو.. هاي
إزيك عاملة إيه؟
زهقت وقرفت
ألو.. هاي
إزيك عاملة إيه؟
قَفَشت وفَركِشت
يووووووووه
هوه أنا كنت ناقصة كبت
لما أروح أشوف النت
صباح "الإيموشن" الكئيبة
والأغاني الغريبة، و"الكوييز" العجيبة
وأدييها طبعا "تيرن أووف"
أووووووف.. أووووووووووووف
أروح و أعدي على المطبخ
وأرجع أوضتي شوية وأنتخ
أفضل أبص يمين وشمال
طب قشطة
أنزل شوية مع العيال
وأقفل الباب
وأجري على الدولاب
يووووووووووووووه...
نسيت أقدم طلب نزووووول
قصدي أعمل مكالمة محمووول
ترررن...ترررن..!!!!
ممكن أنزل؟؟
-ليه وإزاى وإمتى، وفين ومع مين؟؟
هوه إنتى مش لسه نازلة من شهرين؟؟
أصلي عايزة أروح عند...
-لا تروحي ولا تيجي
الدنيا زحمه و الجو زفت
والعيال على الأرصفة مستنيين أى بت
حتى التاكسيات بتخطف البنات و تكُت
وبيخطفوا العيال وبياخدوا العين والكلى والكبد
والنادي قعدته زى النيلة
خنافات ومعاكسات وبقت حاجة زفت
طب قبل ما أعمل "إيند كوول"
عايزة أقول لك إني كنت نازلة
أجيب كارت للمحمول
وأهو من ده كل يوم يا حلوييييين
والأيام بتجري واحنا مش حاسييييين
لحد ما بقى عندى خمسة وعشريييييييييين