المقادير: بيضة كوب لبن 2 كوب دقيق 1/4 كوب سكر كوب فواكه مجففة 4 ملاعق كبيرة زبدة ملعقة كبيرة بشر ليمون 2 ملعقة صغيرة بيكنج بودر 2 ملعقة كبيرة عصير ليمون ملعقة كبيرة عصير ليمون أو خل بيضة + ملعقة صغيرة ميه للدهن سكر للتزيين الطريقة: 1- سخني كوب اللبن وحطي فيه عصير الليمون أو الخل وغطيه وسيبيه لمدة 5 دقائق لحد ما اللبن يخمر. 2- اخلطي الدقيق والسكر والبيكنج بودر والفواكه المجففة وبعدين افركيهم بالزبدة. 3- اخلطي 3/4 كوب من اللبن المخمر والبيض وعصير الليمون وبشر الليمون وبعدين صبيه على خليط الدقيق وقلبيه كويس لحد ما يشكل فتات ناعم. 4- افردي الخليط على ورق بلاستيك وافرديه لحد ما يبقى سُمكه 2 سم، وبعدين لفيه باستخدام الغلاف البلاستيك مع الضغط عليه؛ علشان العجينة تبقى متماسكة ويتكون شكل أسطواني. 5- قطّعيها قطع صغيرة بالسُمك اللي إنتي عايزاه ورصّيه في صينية على ورق زبدة أو قالب سيليكون، وبعدين ادهنيه بخليط البيض والميه، وبعدين رشّي عليه السكر. 6- دخّليه فرن ساخن لمدة 18 : 20 دقيقة لحد ما يبقى لونه دهبي، ممكن تختبريه بإنك تغمزي فيه سكينة أو خلة، ولو خرجت ناشفة يبقى استوى وتقدري تخرجيه من الفرن، وتقدميه بالهنا والشفا. ملحوظة: ممكن تشكليها بالشكل اللي إنتي عايزاه أو ممكن تحطيها في قالب فرن وتدهنيها ورشي السكر عليها.