من حقى

لو عايزة الحق ؟؟
حقك ف رقبتى يا نور عينى
حقك على راسى و ف الننّى
لو ابيع لجلك كل سنينى
و لا ح أوفى و لا برده كأنى
دافع حاجة
و الحق ب حق ....
من حقي أشوف الشرق ف شرق ..
من حقي أحس ب طعم الفرق ...
من حقى أصدّق و أطمن ..
إن الدواوين الحكومية دي ميدان تحرير
من حقى أتنفس حقى
من حقى كتير
من حقى أحس الهوا شايل روح التغيير
مش روحى أنا.. تطلع عادى
و سلامة ف خير !!!!
من حقي أخاف على إحساسى بالحرية ..
من حقى أستكمل حقى ..
واحس الفرحة ف نزاهة وصندوق شفاف
من حقي اتشاف ...
من حقى أقول عايز حقى و ما اخافش أضيع
من حقى يستوعبوا إنى مش رهن البيع ..
من حقى أعارض و ما احسش بالخوف و الذلّ
محتاج انى أشوف الفرصة من حق الكل
محتاج إنى ... أتنسم مصر