طرحت صفحة شباب من أجل مصر علي شبكة التواصل الاجتماعي تساؤل عن: لوشفت الرئيس مرسي ماشي لوحده في شارع هتحب تقوله ايه؟ ليندا أحمد : ها قولوه انت احسن شخصية عرفتها مصر والكثير للاسف يظلموك ولكن انت فخر ليا وخصوصا لما بسافر دلوقتي الكل بيحترمني في المطار التابع للبلد التانية وحسيت اني ليا قيمة ومش مكسوفة اني مصرية ربنا يعينك علي شعب مصر. محمد راغب تايسون: حقولو ربنا يقويك عمر زيزو: هاقوله ربنا معاك ويوفقك هاني عبدالتواب : اتقي ربنا في مصر محمد اسماعيل محمد: اسلم عليه بحفاوة لانه رجل محترم بجد وعنده حس وايمان عبدالله المدهون : صراحة احترم الراجل ده مع اختلافي مع فكر الاخوان لكن في النهاية الراجل عاوز يمسك امور البلد شوية ويشيل شوية الزبالة المتسرطنة في البلد. وللاسف بيحكم شعب لايعرف معني الديمقراطية زي باقي العرب يفهمو الديمقراطية بطريقة جديدة خالص يعني 51% قالو نعم يبقي ال49% يقعدو في بيوتهم مش في الشوارع انا هقولو امسك ياريس البلد بايد من حديد. تامر سلطان : انا لو شفته مش هاقوله حاجة انا هاحضنه وابوس راسه آية سمر: ربنا يعينك علي شعب غاوي القعدة في التحرير مني عبده : هاقوله لو عملت الآلي محدش هيعجبو حاجة رامي محمد محمود: انت بطل حماده الجوكر: حسبي الله ونعم الوكيل خليت الناس تكره بعض ايمي بيرد : هقوله الرجل المناسب في المكان المناسب ولازم تتحمل علشان خاطر مصر والشعب اللي وثق فيك. كينج حموده : حقوله الله يحميك من كل ظالم وفاسد زياد فاضل: الله يعينك ويسوق علي ايدك الخير للامة الاسلامية والعربية جمعاء انت بارقة أمل اسلام ناصر : خلي الإخوان يهدوا شوية عشان متديش لحد فرصة يرجع البلد لورا سارة أسامة : ابعد عن الجماعة وخليك براسك والله يعينك بوسي محمد : كم كنت اتمني ان اري رئيس يمشي بيننا ويصلي معنا ويصافحنا ويسمع منا ماذا نريد وما الذي يقلقنا بدون حواجز. نورالرحمن محمد : ربنا ينصرك ويقويك وتكون جالب الخير لمصر ويارب يهد كل من يعاديك وان شاء الله مصر هترجع تكون احسن بلد في العالم كما كانت. محمد الجندي : الغي الاعلان الدستوي عشان خاطر ربنا عبدالرحمن حسن: ربنا يعينك علي الحمل اللي انت شايله محمد مسعود هلال : منور ياريس .. ربنا ينصرك انشاء الله AdenAlhabeba الله ينصرك ويرزقك بطانة صالحة وكلنا معاك. تامر جابر: ربنا ينصرك علي اعداء البلد خصوصا بنوع الاجندات الخاصة هند صلاح : ان كنا قدرك فاعانك الله علينا وان كنت قدرنا فربنا يعنا عليك