محمد سعد يتسبب في اعتزال الفنان الشاب هادي خفاجة!

أكد الفنان الشاب هادي خفاجة اعتزاله للتمثيل نهائياً في مصر والتوجه إلى أي دولة أخرى والتمثيل بها.
وبرر خفاجة قراره بموقف سيئ تعرض له مع القائمين على برنامج "وش السعد" للفنان محمد سعد الأسبوع الماضي، وكتب خفاجة على صفحته بموقع "فيس بوك": "قررت أنا هادى خفاجة اعتزال التمثيل نهائياً في مصر وده بسبب الموقف اللى أنا هاحكيه.. هو موقف فى قمة قلة الذوق اللي في الدنيا".."جاتلى مكالمة الساعة ?? بالليل إن محمد سعد عايزنى فى تصوير حلقة من برنامج وش السعد اللى هي كانت النهارده وانه عايز يقعد معايا، طبعاًً لبست وروحت له الساعة ? بالليل كان موجود الكاست كله ونجوم الحلقة أيتن عامر ومنة عرفة وعملنا بروفة واتفقت مع مدير الإنتاج والملابس وكل حاجة وأستاذ سامح عبد العزيز المخرج قعدت معاه واتكلمنا عن الشخصية واتفقنا إن التصوير بعدها بيوم. خلصت كانت الساعة ? الفجر روحت البيت نمت وصحيت استعديت نفسياًً إن رايح التصوير وحفظت السيناريو كان المعاد الساعة ? المغرب لقيت اتصال وأنا فى الطريق الساعة ? العصر من واحد من مساعدين الإخراج بيقولى أستاذ هادى إحنا أجلنا الاسكتش بتاع حلقة حضرتك وهنكلمك نقولك امتى التصوير إن شاء الله ... افتح Mbc Masr من شوية ألاقي الاسكتش بتاعى اتصور بممثل تانى؟؟ طب ليه اللف والدوران الحمد لله تاريخى مش هيقف على حلقة بس موضوع تقدير".
وتابع هادي: "أنا حبيت أحكى لأنى وسط حاجات كتير حصلتلى مكنتش مستحمل حركة زى دى وبكره بإذن الله هاكون فى نقابة المهن التمثيلية وهاسلم أستاذ أشرف زكى عضوية النقابة لأنها متلزمنيش فى شيء دلوقتى بس بجد كفاية تدمير فى المواهب وإحباط فى الناس لأن الوسط بجد أصبح عصابات تتحكم فيه".. "وإن شاء الله هاكمل مستقبلي الفني في دولة تانية بتقدر الإنسان قبل المواهب والمجالات وده قرار نهائي بجد بيني وبين نفسي مش هرجع فيه".