تصريحات جريئة لعمرو يوسف عن "العُري" و"المثلية" في السينما

في أحدث ظهور له عبر قناة mbc1، تحدث النجم عمرو يوسف بشكل صريح وجريء مع الإعلامية وفاء الكيلاني ضمن أحدث حلقات برنامجها "المتاهة".
في البداية دافع يوسف عن مشاهده الجريئة في فيلمه الأخير "ولاد رزق" قائلًا:"يا جماعة ده تمثيل مش حقيقي، أنا في الحقيقة مبعملش كده، لكن ده دور أنا بأديه وهو الدور بيتطلب كده فعملت كده في حاجات أنا ممكن أرفضها".
وحول فكرة إقدامه على تلك التجربة مجدداً، أكمل يوسف: "لو جالي فيلم في هوليوود وهوليوود بيقلعوا ملط، مقلعش طبعًا. حتى لو هشتغل في فيلم عالمي بطولة وتكسر الدنيا وبعد كده اشتغل مع مارتين سكورسيزي مش هعمل كده لإني أنا كعمرو مش هقدر أعمل ده لكن اللي في ولاد رزق بسيط".
وحول رأيه في فكرة تجسيد شخصيات مثلية جنسياً ضمن الدراما الخاصة بالأفلام في الفترة الأخيرة، وهل يمكن أن يقوم بنفس الأمر، قال يوسف: " لا معملوش، المفروض الممثل يعمل أي حاجة بس للأسف إحنا مجتمعنا عنده مشاكل ومبيفصلش، خالد الصاوي صديق عزيز ليا وممثل عبقري وشخص بحترمه احترام غير طبيعي وكسر الدنيا في فيلم "عمارة يعقوبيان" والدور ده بالنسبة له كان نقلة كبيرة في حياته بس في ناس بايخة. الدور ده هيحط عليا ضغط معين، أنا معنديش الجرأة اللي عند خالد الصاوي".
جدير بالذكر، أن برنامج "المتاهة" يتم عرضه على قناة "MBC1" بالتزامن مع قناة "MBC مصر" يوم الثلاثاء من كل أسبوع.