مي عز الدين: والدتي مسيحية... وهذا موقفي من الزواج المدني

أعلنت الفنانة مي عز الدين خلال تواجدها مع الاعلامية راغدة شلهوب بالجزء الثاني من برنامجها "100 سؤال" ان والدتها مسيحية الديانة، على الرغم من أن والدها مسلم.
وقالت مي إنها لن تتزوج من رجل على غير ديانتها الإسلامية، وقالت: "أنا إنسانة تقليدية، ولم أفكر من قبل في موضوع الزواج المدني، وشايفة نفسي هتجوز إنسان من ديني، وهنتجوز عادي، أنا صعوبة الحياة بالنسبة لي اني ألاقي إنسان شبهي في كل حاجة، مش الدين بس، ودي حاجة مش سهلة، ولو اتوفرت كل المواصفات اللى انا عايزها في رجل على غير ديني، مش هتجوزه لأن ديني ميسمحليش، ولكن الرجل المسلم ممكن يتجوز سيدة مسيحية، انا حتى مش حعرف احبه".
وردت مي على تصريح الفنانة السورية كنده علوش بأنها ليست صديقه لها، قائلة: "كندة ملتزمة وهادئة وتركز في عملها، ولا ترهقني في العمل، كل هذا لا يعني أننا أصدقاء فاشتركنا في عمل واحد لا يعني صداقتنا، نحن نمثل سويًا في العمل، وليس من أجل الصداقة، أوقات العمل بيولد صداقات بس ده مش بيكون الهدف، ده ممكن يحصل وممكن لا ولو محصلش مش مشكلة".
وتابعت: "الغيرة بين الفنانات موجودة بين ناس وناس، في ناس تعبانة جدًا بجد وعندها مشاكل نفسية جامدة، وناس تانية شايفة أن الدنيا مش مستاهلة، انتى ممكن تلاقى واحدة طالعة في برنامج وبتخبط في واحدة أو بتضرب مثل بيها في حاجة مش كويسة".