لماذا سيقاضي أحمد عز زينة مجدداً؟ ولماذا اعتذر للسبكي؟

قرر الفنان أحمد عز مقاضاة الفنانة زينة بتهمة السب والقذف بسبب تصريحاتها التي أدلت بها مؤخراً واتهمته فيها بأنه ليس "بني آدم" وأنه كذاب ورخيص.
على الجانب الآخر، طلبت زينة من جمهورها عدم الرد على هجوم فانز عز عليها، وقالت: "خليهم يشتموا وأنا آخد حسنات حد طايل، الحمد لله ربنا نصرنا ومش عاوزة حاجة غير كده الحمد لله يا رب ربنا كبير أوي ورحيم.. أنا منزلة رسالة من وسط ألف رسالة علشان الناس بتنفعل وتغلط جامد في الطرف الآخر، ومنزلاها مخصوص علشان ماحدش يرد منكم يا بنات وتعرفوا إني مش فارق لي الرخص بتاعهم، وكلها حسنات الواحد بياخدها الحمد لله خليهم يغلطوا حد يطول حسنات وهو قاعد في بيته الحمد لله".
وتابعت زينة: "الحمد لله إحنا ربنا جبلنا حقنا في شهر كريم وده طبيعي إنهم يضايقوا لأنهم أصلاً مغيبين وعلى باطل اعذروهم، أنا عارفة هما واقعين تحت تأثير عامل إزاي الله ينورلهم بصيرتهم ويا رب يفضلوا كده أكتر علشان آخد حسنات على حسهم، ونرجع نقول وتستمر الاحتفالات".
وكانت زينة قد صرحت بأنّها مستاءة من إدراج اسمها في أحاديث عز الصحفية، وهاجمت عز وقتها قائلة: "أحب أقولك مش لأن فيلمك فشل والناس مش طايقة تشوفك، لأنك ببساطة تصرفاتك لا تمت للرجولة بصلة، أحب أقولك استرجل وبطل تجيب اسمي واعرف ان فيه حكم محكمة وتحترمه غصب عنك لأنه حكم رجع لولادك حقهم وبكره يكبروا ويعرفوا إنك حتى ماتستاهلش تكون بني آدم..لم نفسك وكفاية رخص وابعد عننا بكدبك الرخيص، وبدل ما تروح تشتكي وتعيط في كل مكان وتعمل شكاوي وتشغل ناس بكدبك احترم حكم المحكمة، أو هات دراعك ناخد منه شوية دم، ده لو عندك أصلاً، نعمل تحليل الDNA".
جدير بالذكر أن عز اعتذر للمنتج محمد السبكي والمخرج محمد سامي عن فيلم "عنتيل الزمالك"، الذي تعاقد عليه خلال الفترة الاخيرة، وأكدت تقارير صحفية ان عز تعاقد بالفعل مع إحدى شركات الإنتاج على فيلم جديد، الا انه يتكتم تفاصيله.