مصطفى كامل يفجر مفاجأة في شطب حمزة نمرة من النقابة

أكد الفنان مصطفى كامل، نقيب الموسيقيين، أنه يرفض قرار شطب الفنان حمزة نمرة من نقابة الموسيقيين، مشيراً إلى أنه لم يكن على علم بذلك.
وقال كامل في حسابه على "تويتر": "على فكرة أنا ليه فترة مش بروح النقابة .. ووقت اتخاذ قرار بوقف حمزة نمرة انا كنت بعمل عملية.. وأنا ضد الإيقاف" أولاً عشان انهي موضوع حمزة نمرة اللى متداول حالياً على المواقع الفنية : 1-الفترة الاخيرة مش بروح النقابة 2- أنا ضد ايقاف حمزة نمرة ... يتبع".
وتابع مصطفى: "3- مينفعش يتم ايقاف مطرب إلا بعد التحقيق معه اولاً !! 4- الامضاء اللي في الصورة دي كمبيوتر "وهي توقيعي فعلاً" وتم استخدامها دون علمي أو إذن مني. 5- سكرتير النقابة طلع تصريحات للصحفيين على لساني وأنا اساساً لم أصرح بها 6- انا عامل عملية في عيني..ولما ربنا يشفيني هيتم حل هذا الموضوع".
وأضاف كامل: "انا وضحت ليكم بعد تداول الموضوع بدقائق على تويتر وعلى الفيس بوك لأني جات ليا تعليقات كتير بخصوص الموضوع ده وتم الرد ودا واجب عليا اني أوضح".. "على فكرة والله العظيم اغنية قشطة يابا اللى بتتكلموا عليها دي اتعملت في فيلم داخل مشهد معين ان مطرب عايز يصرف على ابوه فلجأ للشعبي عشان فلوس".
وأبدى كامل غضبه من وصفه بمطرب "قشطة يابا" الذي تداوله رافضو قرار شطب حمزة نمرة، وقال: "عملت اغاني كتير واتعاملت مع نجوم الوطن العربي كله ... ومش معقولة ان اسمي يرتبط بالاغنية دي بس، أغنية "قشطة يابا" كانت ايفيه وبرضو براحتكم"... "مصطفى كامل برضو اللي عمل الحب الحقيقي والملاك البرئ ويا ترى وقطر الحياة والحلم الجميل والأيام الحلوة ووووو".
وكان أحمد رمضان، سكرتير نقابة المهن الموسيقية، قد اكد أنه تم وقف حمزة نمرة عن الغناء وشطبه من النقابة، لان أغانيه تستخدمها القنوات المؤيدة لجماعة الإخوان المسلمين، كما استشهد بصورة لحمزة نمرة وهو يشير بعلامة رابعة.