هنأ الشاعر والسيناريست أيمن بهجت قمر الفنانة مي كساب والمطرب الشعبي أوكا بعد إعلانهما خبر خطبتهما. وكتب قمر على حسابه بموقع "فيس بوك": "ألف مبروك لأختي مي كساب على الخطوبة، عريسك جدع وابن بلد وهألفلكوا أغنية دويتو للفرح إن شاء الله، مبروك يا مي تستهالي السعادة اللي في الدنيا كلها". وكان الفنان خالد الصاوي هو الآخر قد هنأ مي وأوكا، ودافع عنهما أمام الانتقادات التي صاحبت خبر خطبتهما، وكتب على حسابه بموقع "فيس بوك": "مبروك اوكا ومي كساب وعقبال البكارى...".. "مهرجان البلوك والديليت على قفا الناس اللي لسه بترغي في اتنين ناجحين بيتجوزوا يا فشلة يا زبالة روحوا اعملوا شيء نافع يمكن تنضفوا". وتابع الصاوي: "محمد أوكا ومي كساب مانجحوش عشان بابي كلم عمو ولا عشان مامي اتعشت مع أونكل ولا بيتجوزوا عشان بابي وعمو بيوسعوها..شباب مكافح".. "اللايك والشير والريتويت لا يكفي من الليلة ولآخر يوم في السنة اللي يحب العدل يحط أغاني أوكا ومي عشان الحقود يموت ...اديها". جدير بالذكر أن مي كساب اكدت ان عقد قرانها على أوكا سيكون بأحد المساجد الشهيرة في شهر يناير المقبل.